Гажано лыдӟисьёс! «Удмурт дунне» газет нош ик ялэ арлы быдэ ортчылӥсь «Гурт адями» вожвылъяськонзэ.

Тодӥськомы, гуртъёсын ӟеч адямиос сярысь гожтытэк кылемъёсыз трос на. Нош калыклэн данъямезлэсь мар меда дуногес? Соин ик дэмласькомы туэ но вӧзады улӥсь адӟем карымон адямиосты сярысь газет пыр быдэс шаермы тыр вераны.

Азьвыл аръёсы сямен ик ялӥськомы 3 номинация:

«Устоез кивалтӥсь» — ӵектыны луэ предприятиослэсь кузёоссэс, ужбергатӥсьёсты, кивалтӥсьёсты;
«Выжыоссэ утись» — удмуртлыкез утён но азинтон понна сюлмаськись муртэ;
«Ӟеч сюлэм» — гуртоос понна пайдаё, ӟеч уж лэсьтӥсь, калыклы юрттӥсь.
Та ар пумозь адӟем карымон гуртоосты сярысь зарисовка туспуктэменыз валче келяно «Удмурт дунне» газетлэн редакцияз — 426008, Ижкар, К. Маркс ульча, 274-тӥ юрт, адресъя яке udmdunne@yandex.ru электрон почтае, пусъёно, «Гурт адями» конкурсэ шуыса.

Вожвылъяськонэ ӵектэм муртъёс одно мед улозы гуртын но гурт понна ужасьёс мед луозы. Соосты дэмласа, гожтыны кулэ ачиз калык. Конкурсэ пыриськыны быгато азьвыл дэмлам муртъёс но, вормисе потылэмын ӧй вал ке. Ӵектэм муртъёсын списокез быдэсак газетэ поттэммы бере яломы куара сётон.

Кельшымон адямиез быръён понна туэ но, кылем арын сямен ик, лыдэ басьтӥськозы со понна дурбасьтӥсь муртъёсын но соослэн кинюртэмъёсынызы списокъёс. Соосты гожтэтэн газетмылэн редакцияз яке электрон амалэн почтаямы келяно. Нимысьтыз куара сётон ялэмын луоз Интернет пыр но. Списокъёсысь но вотэс бамъёсысь куараос ватсаськозы. Конкурс сярысь юалляськемды луоз (3412)

73-33-42 яке 8-951-195-37-65 телефонъёсъя.

УД

Write a comment

2 комментария

  1. "бусыос" Январь 30, 19:26

    Гажано «Удмурт дунне» газетын ужасъес! Бадзим тау кариськом тиледлы милэсьтим гурт адямимэс Мосова Татьяна Ксенофонтовнаес зечен лыдъямды понна, Тау кариськом весь вань калыклы куара сетэмзы понна.
    Таин валче, ваньдэсты зечкыласьком 100 ар тырмон Юбилеен. Тазалык, выль азинсконъес, трос лыдчисъес, шумпотонъес но вож гинэ сюрэсъес.
    Вождэс эн вае, мон дышетскымтэ удмурт грамоталы. Соин валче верамэ потэ:
    Нош малы меда со луэ озьы: 1963 арын мон мыны нырысети классе. 20 ятыр пиналъес полын кыкэз гинэ вал зуч. Удмурт пиналъес зуч кылэз воксе ик уг валало вал, нош дышетисьмы воксе ик удмурт кылэз уг вала вал. Зол курадзон вал дишетисьлы, но пиналъеслы. Пиналъес дышетизы дышетисез( Банникова Тамара Ивановна) удмурт кыллы, нош со дышетиз пиналъесты зуч кыллы. Школамэ быдти умой оценкаосын, техникумын басьти диплом с отличием. Нош весь улонам малпан кылдылэ- мон уг тодиськи вордскэм кылмэ. Нырисьсэ адзи удмурт кылын гожъям книгаосты(12-13 аресъем дыръя), но воксе ик пайми. Кызы со ози? Лучкэм лыдчины вырисько вал. Сеп гуртын улыкум кылисько чебер удмурт кылэн вераськэмэз. Борись вожъяськын кутски- мон нокуно озьы уг быгаты. А кыче чебер удмурт кылмы — зарни пуштросо. Сюлэмам али но возиськэ шугъськон( чувство предательства) дыр со. Вазиськэмэ потэ эн вунэтэ удмурт кылдэс. Сое дышетыса ти одно ик луоды шаплыэсь, визьмэсь, узырэсь, асьтэдыс гажасэс.Тини озьы.

    Сеп гурт, Игра ерос Г. Лекомцева

    Reply to this comment
  2. Николай Январь 16, 22:41

    Молодец

    Reply to this comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<