«Удмурт дунне» газетлы 2019-тӥ арлы гожтӥськон

Нош ик вуиз вуоно арлы газетлы гожтӥськон дыр. Та вакытэз ми, газетчиос, котьку но сюлэмшуген но бадӟым осконэн витиськом. Угось оскиськом, «Удмурт дунне» газетэн кусыпъёстэс тӥ вуоно аре но уд ыштэ.
Зэм, туала вакытэ газетлы гожтӥськон дунтэм уг усьы. Жаляса верано, «Удмурт дунне» вылын но со шӧдӥське. Но кулэ интыяз верам кылэз, визь-нодэз, иворъёсты, эшлыко кусыпъёсты коньдонэн мерталод шат?
Озьы пӧрмиз: туэ тросэз «Удмурт дуннелы» ӝыны арлы гожтӥськиллям, табере сӥзьылпал, бакча ужъёс йылпумъяськыку, дорамы жингыръяло: ма кароно, кызьы кыкетӥ паларлы гожтӥськоно на? Кызьы удмурт газетэз лыдӟытэк улом?
Ивортӥськом: «Удмурт дуннелы» котькуд толэзь гожтӥськыны луэ.
Вуоно арлы гожтӥськонэз но берлолы эн кельтэ, вамыштэ почтаяды.

Гожтӥськон, газет вуон сярысь юанъёсты кылдӥзы ке, жингыртоно «Удмурт дунне» газетлэн редакцияз 8(3412)73-33-42, 8-951195-37-65 номеро телефонъёсъя.