Дано удмурт кылбурчилэн Ашальчи Окилэн вордӥськем нуналаз Удмурт нылкышно кенеш ортчытӥз куинь ар ужамезлы йылпумъянъёсъя но быръёнъёсъя конференция. Огазеяськонлэсь ужамзэ ӟечен лыдъямын, нош нылкышно кенешен кивалтыны азьланяз но оскемын Надежда Степановалы. Удмурт нылкышно кенеш берло аръёсы бадӟым саклык висъяз клубъёс
Пичи дырысьтым кылем суредъёс али ке но син шорам. Коркамы быдэсак пужъятэм ӵушконъёсын чебертэмын луэ вал, уката ик Паска нуналлы. Корка пушез чылкыт миськем бере ӵушконъёсын мудорез, туспуктэмъёсын рамаосты котыртылӥзы, борддорысь кортӵогъёсы ошылӥзы. Нэнэе Наталья Капитоновна но дядяе Андрей Алексеевич
Маин пӧртэм луо палэнысь удмуртъёс? Сое тодон понна одно ик доразы потано ӧвӧл. Соос асьсэос лыкто Иже. Кӧня ке ар талэсь азьло Ижын нырысьсэ ортчиз Кам сьӧрысь удмуртъёслэн фестивальзы. Соку нимысьтыз ялонъёстэк но Эшъяськон юртэ зал тыр калык люкаськылӥз. Пумен-пумен
Берло лыдъян-чотанъя Россиысь 42 сюрс пала удмуртъёс уло Удмуртилэн палэназ. Тужгес но трос соос Башкортостанын, Татарстанын, Пермь, Свердловск, Киров улосъёсын, Марий Элын. Отын асьсэ центръёссы, огазеяськонъёссы вань. Соос аспӧртэм тугоко выллем бинисько «Удмурт кенеш» огазеяськон котыре. Палэнысь удмуртъёс ӵемысь паймыто
XX даур. 1934-тӥ ар. Соловки шормуӵ. Кузебай Герд пытсэт сьӧрын. Тазалыкез лябӟемын, мылкыдыз пуксемын. Тае шӧдыны луэ Иосиф Алексеевич Наговицынлы ыстэм гожтэтэз пыр. Та гожтэт Гердлэн бер-пуметӥ куараез кадь луэ. Со ивортэ тазалыкезлэн лябӟемез сярысь. Сюлмаське, кин кие кылёз архивез,
Берло дыре отысь но, татысь но кылӥське: удмурт кылэз дышетӥсь школаос кулэсмо, садикъёс ӟучомо. Тып-тып удмурт гуртъёсысь но пиналъёс анай кылзэс вунэтыны кутскемын. Малы сыӵе югдур кылдэ? Луоно-а сое тупатыны? Школаосын удмурт кыл воксё ќвќл, кулћськом-быриськом ни шуонэн ми соглаш
Отчы пыриськозы каръёсысь но гуртъёсысь 120 делегатъёс, 30 куноос. Конференциын эскерозы кенешлэсь куинь ар ӵоже ужамзэ, сэрттозы-пертчозы азьланезлы ужрадъёсты, 4 арлы быръёзы кенешен кивалтӥсез но солэсь правленизэ. Та пумысен вераськиськом Удмурт нылкышно кенешлэн кивалтӥсеныз Надежда Степановаен. — Надежда Андреевна, кызьы
Кыӵеен адӟиське удмурт калыклэн ӵуказе нуналыз? Та ужпумъя котрес ӝӧк ортчиз Ижын Тодосчиослэн юртазы. Пумиськонын шугъясь-кытӥсь ужпумъёс ӝутэмын вал. Огез соос пӧлысь — «Удмурт кенеш» ассоциация пумысен. Люкаськемъёс огкылэ вуизы: ассоциацилэн уставаз воштонъёс пыртоно. Асьсэ мылкыдзэс веразы Ижысь «кенешчиослэн» ужамзыя
«Удмурт кенеш» огазеяськонлэн кылем арня пумын люкаськем исполкомез ӟырдыт но тунсыко ортчиз. Кенешонэ исполкомлэн 20 ёзчиез пыриськиз. Таяз рад соослы пӧртэм ужпумъёсъя шара но, лушкем но куаразэс сётоно луылӥз. Исполкоме люкаськемъёс нырысь ик вераськизы Пичи кенешын эскероно ужпумъёс сярысь. Пичи
Нырысетӥ удмурт нылкышно кылбурчиез данъяса, 1994-тӥ арын «Удмурт кенеш» огазеяськон радъяз Ашальчи Оки нимо национальной премия сётонэз. Удмурт нылкышно кенешлэн 8-тӥ конференциез ортче ӵапак кылбурчилэн вордӥськем нуналаз. 27 лауреат пӧлы эшшо кык мурт пыриз. А. Оки премиез сётонъя комиссилы (отчы
Удмурт эстрадаын нырысьсэ ортчиз «Зарни перепеч» вожвылъяськон. Валтӥсь премия понна нюръяськиз 13 артист. Концертэ билетъёсты калык октӥз пӧсь перепечез сямен — залын ӧз кыльы одӥг буш пукон но. Ужрад паймытӥз выль шӧмыныз. Нимо-дано артистъёс — Геннадий Ганьков, Анна Плотникова, Надежда
Анай кылэз дышетонъя ужпумъёслы сӥземын вал Ижысь Кузебай Герд нимо гимназиын ортчем бадӟым ужрад. Конференция герӟаськиз город школаосын удмурт но бигер кылъёсыз дышетыны кутскем дырысен 20 ар тырмонэн. Солэн ужаз, Удмуртиысь сяна, Башкортостанысь, Татарстанысь но Пермь улосысь дышетӥсьёс, воспитательёс пыриськизы.
Мон булгар выжыысь потэм чуваш пи луисько. Ас калыкелэн гинэ ӧвӧл, дунне вылысь вань калыкъёслэн кылдон, азинскон сюрессы, кылзы, культуразы мыным туж тунсыко пото. Дунне вылын ӧвӧл «туж вылӥ» яке «туж улӥ» калыкъёс: котькудӥзлэн вань аслаз мусо анай кылыз, аспӧртэмлыко
чоз камсьӧр удмуртъёслэн «Чакара» фестивальзы. Та ужрад туэ куинетӥзэ ортчытӥське ини. Тупал удмуртъёс тодазы ваёзы вашкала удмурт кырӟанъёсты. Камсьӧр удмуртъёслэн азьветлӥсьсы Флюра Чибышева пусйиз: та ужрад арлы кык пол радъяське — тол но гужем. Гужемзэ ортчыто Элен вӧсь ужрад бере
Осто, Инмаре, кытчы но тон ӧд вутты ни милемыз, удмуртъёсты, кыӵе но интыосты ӧд возьматы! Кытчы гинэ та Россиын эн учкы — котькытын сюлэмлы дуно выжы калыкмы! Тае уката мур валай, Сибире — Кемерово улосэ — ветлыса. Адӟон сыӵе вылэм,
© 2018 Copyright Allegro theme. All Rights reserved.
Designed by Orange-Themes.com
