Удмуртиысь эм юртъёсы 13 «скорой» но 12 санитарной машинаос вуизы

Удмурт Дунне
By Удмурт Дунне 3 декабря, 2021 12:42

Ӝог юрттэт сётон машинаос кошкизы Воткинск, Балезино, Дебес, Кез, Красногорск, Сьӧлта, Шаркан но Яр ёрос больницаосы, 5-ез машина — Ижысь эмъян юртъёсы.

12 санитарной машинаос — Алнаш, Балезино, Игра, Камбарка, Красногорск, Пичи Пурга, Можга, Юкаменск, Якшур-Бодья, Яр но Сарапул эм юртъёсы.

Туспуктэм Удмуртиысь тазалыкез утёнъя министерстволэн пресс-службаезлэн

— Берло дыре Удмуртиысь тазалыкез утёнъя юртъёслэн автопарксы трослы выльдӥськиз. 2021-тӥ арын гинэ туала куронъёслы тупась 123 санитарной но 20 «скорой» машинаос вуизы. Со машинаос туж юртто, эмчиосты висисьёс доры дыраз вутто, — вераз Удмуртиысь тазалыкез утёнъя министрлэн воштӥсез Марина Петренко.

Марина Петренко пусйиз, та уж вуоно арын но азьланьтӥськоз шуыса.

Удмурт Дунне
By Удмурт Дунне 3 декабря, 2021 12:42