Трокай Борисовлы 130 ар тырмысал

Удмурт Дунне
By Удмурт Дунне 1 декабря, 2021 13:59

Туннэ Удмурт калыклэн дано пиезлы, «Гудыри» газетлэн редакторезлы, «Кенеш» журналэз кылдытӥсьлы Трокай Борисовлы 130 ар тырмысал.

Трокай Борисовлэн синпелетэз дорын Йӧскалык прессалэн юртаз ужасьёс но культурая министр Владимир Соловьёв. Туспуктӥз Максим Егоров.

Буре вайыса, Ижысь синпелетэз доры трос калык люкаськылӥз, лыктэмъёс сяська понӥзы. Трокай Борисовез тодамы вайытыса вераськизы Удмурт Элькунысь кивалтэтлэн нимыныз культурая министр Владимир Соловьёв, «Удмурт Кенешлэн» тӧроез Татьяна Ишматова, «Удмурт дунне» газетлэн валтӥсь редакторез Елена Миннигараева, медакадемиысь профессор Владимир Савельев,  Дышетон удысысь йӧскалык ужпумъёсты эскеронъя институтлэн кивалтӥсез Надежда Ураськина. Ужрадэ пыриськизы на кенешчиос, медакадемиысь но университетысь студентъёс, журналистъёс но мукетъёсыз.

Удмурт Дунне
By Удмурт Дунне 1 декабря, 2021 13:59