«МедПоддЕРжка» проектысь волонтёръёс эмчиослы юртто коронавируслэсь вакцина пуктэмъёсты федерал регистре пыртыны

Удмурт Дунне
By Удмурт Дунне 17 ноября, 2021 15:22

Эгра ёросысь эмъяськонниын туннэ «Единая Россия» «МедПоддЕРжка» проектысь 8 волонтёръёс дежурить каро. Соос юртто эмчиослы коронавируслэсь вакцина пуктэмъёслэсь федерал регистрзэс нуыны. Эгра эмъяськоннилэн кивалтӥсезлэн воштӥсезлэн Ольга Сумароковалэн ивортэмезъя, коньывуон толэзьысен ёросын прививка пуктыны мылкыд карисьёслэн лыдзы будӥз.

Эмъяськонниын ужась волонтёр.
Туспуктэм udmurt.er.ru сайтысь.

— Вакцинаен федерал регистрез нуонын волонтёръёс туж кулэ. Соослы луыса, эмчиос ас ужзылэсь палэнскытэк тыршо. Коньывуон толэзьысен вакцина пуктыны мылкыд карисьёслэн лыдзы будӥз. Нуналаз 150-200 адямилы вакцина пуктӥськом. Озьы ик ужало мобильной бригадаос. Кулэ луиз ке, 5 бригада но кылтдыны быгатӥськом. Туннэ нуналлы черламъёслэн лыдзы кулэсме. Малпасько, со вакциналы луыса но, — вера Ольга Вениаминовна.

— «МедПоддЕРжка» проектэн Эгра ёросысь егитъёслэн «Лига» центрзы ужа. Волонтёръёс эмчиослы юртто «Доброе варенье» проект улсын пӧрамъёсын, со сяна висисьёс доры сиён-юон, эмъюмъёс вутто, — шуэ егитъёслэн «Лига» центрзылэн директорез, «МедПоддЕРжка» проектлэн кураторез Ольга Широбокова.

«МедПоддЕРжка» проект борды итӥськыны быгато вань мылкыд карисьёс, 18 арес тырмемын ке. Пыр-почгес юалляськоно 8(9412)725-385 телефон номеръя.

Удмурт Дунне
By Удмурт Дунне 17 ноября, 2021 15:22