Выль федерал законлэн проектаз QR-кодэз возьматон юнматэмын

Удмурт Дунне
By Удмурт Дунне 24 ноября, 2021 09:10

Пӧртэм ужрадъёсы, куд-ог юртъёсы пырыку, озьы ик самолётэ но поездэ билет басьтыку, одно возьматоно луоз QR-кодэз — та пусъемын выль федерал законлэн проектаз.

23-тӥ ноябре ортчем сессиязы федерал законлэн проектэзлы дур басьтэмзэс веразы Кун Кенешысь депутатъёс. Кун Кенешлэн Тӧроезлэн нырысетӥ воштӥсез, тазалыкез утён понна кыл кутӥсь ялан ужась комиссилэн кивалтӥсез Надежда Михайлова пусйиз:

— Чурыт куронъёс тупатыса гинэ, коронавирусэз кортнаны, соин сэрен кулӥсьёслэсь лыдзэс кулэстыны луоз. QR-кодъёстэк али уз луы, но соос кутӥськозы огдырлы гинэ. Законлэн проектэзъя — 2022-тӥ арын 1-тӥ июнёзь.

Надежда Михайловна оскемзэ вераз: шаерамы улӥсьёс валалозы, чурыт куронъёс пыӵатӥсько калыклэсь тазалыксэ, улонзэ утён вылысь.

Удмурт Дунне
By Удмурт Дунне 24 ноября, 2021 09:10