Выль политической технологиосъя центрысь экспертъёслэн куд-ог юртъёсы но транспортэ QR-кодэн пырон шоры учкемзы

Удмурт Дунне
By Удмурт Дунне 24 ноября, 2021 17:28
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиысь Кун Кенешысь депутатъёс 36-тӥ сессиязы QR-кодъёс сярысь федерал законлэн проектэзлы дурбасьтэмзэс веразы. Кун Кенешлэн Тӧроезлэн нырысетӥ воштӥсез, тазалыкез утён понна кыл кутӥсь ялан ужась комиссилэн кивалтӥсез Надежда Михайлова пусйиз:

— Чурыт куронъёс тупатыса гинэ, коронавирусэз кортнаны, соин сэрен кулӥсьёслэсь лыдзэс кулэстыны луоз. QR-кодъёстэк али уз луы, но соос кутӥськозы огдырлы гинэ. Законлэн проектэзъя — 2022-тӥ арын 1-тӥ июнёзь.

Ижысь медициная кун академиысь паласькись висёнъёсъя но эпидемиологияя кафедраен кивалтӥсь, врач-инфекционист Олег Малинин шуиз:

Олег Малинин, Ижысь медициная кун академиысь паласькись висёнъёсъя но эпидемиологияя кафедраен кивалтӥсь, врач-инфекционист.
Туспуктэм https://cnpt18.ru сайтысь.

— Малпасько, Кун Кенешысь депутатъёс шонер лэсьтӥзы, федерал законлэн проектэзлы дур басьтэмзэс вераса. Закон улонэ пыӵаны кутскем бере 2-3 арня ортчыса ик, солэсь пайдазэ шӧдом ни. Чурыт куронъёслэсь пайдазэ адӟиськом ини Китай йылысен но. Отын быдэс городъёсты самоизоляцие ворсалляса — ковидэз вормизы! Калык пӧлысь 80 процентлэсь ятырез прививка пуктӥз ке, чурыт куронъёсты лябӟытыны но луоз. Соин ик адямилы ачиз сярысь гинэ малпаса улоно ӧвӧл — тодоно, котькудмы бордысь потэ, кыӵе тазалык луоз матысь адямиосмылэн. Юанъёс кылемын на. Кылсярысь, эмчиос но уг валало мар кароно коронавирусэн асьсэос но валатэк висемъёслы. Оскисько, документъёс юнматыку, та чакламын луоз. 2020-тӥ арын 19 врачъёс быризы, туэ — 1-ез гинэ, малы ке шуоно прививка пуктылыны кутскемын ни.

Удмурт Дунне
By Удмурт Дунне 24 ноября, 2021 17:28