Малы кылбура нылкышно?

Удмурт Дунне
By Удмурт Дунне 5 октября, 2021 11:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Толон Национальной библиотекае люкаськылӥзы шаерысьтымы кылбурась нылкышноос. Соос пӧртэм гуртъёсысь, пӧртэм удысъёсын тыршо, пӧртэм арлыдоесь. Но та 30 кышноосты герӟа кылбуран мылкыд но 1 книга — алигес потэм «Нылкышно дауре» сборник.


Выль бичетэз поттӥз «Удмурт нылкышно кенеш» огазеяськон. Книгаез дасян бордын кема ужазы «Удмурт дунне» газетлэн валтӥсь редакторез Елена Миннигараева но «Кенеш» журналлэн редакторез Анастасия Шумилова. Елена Миннигараева верамъя, вакытъёс воштӥсько ке но, удмурт нылкышнолэн пуш дуннеез (Ашальчи Оки кылбуран вакытысен кутскыса) туннэ но сыӵе ик турлы-турлы, ненег но бугырес. Кылбуръёсазы — вордскем гуртсэс яратон, бырем гуртсылэсь мӧзмон, аръёслэн укыр ӝог ортчемзы пумысен ӧпкелён, инкуазез утён, анай-атайёссэс дунъян но нылпиоссылы вазиськон.
«Нылкышно дауре» пырем чуръёсысь шӧдыны луэ, кыӵе малпанъёсын, сюлмаськонъёсын но осконъёсын уло туала гуртоос.
Анастасия Шумилова пусъе:
— Удмурт литература оглом дунне литератураен ӵош шока. Гуртысь нылкышноослэн поэзиязы но со умой адӟиське. Кинлэн мар сюлэмаз бугыръяське, со сярысь ик кышномурт гожъя аслаз чуръёсаз.
Выль книгаен но кылбурчиосын тодматскон ужрад туж шуныт мылкыдын ортчиз. Та бичетэ пырем котькуд авторлы быдэн 5 книга дунтэк сётӥськоз. Кин тодэ, оло, азьланяз та нылкышноос асьсэлэсь нимаз книгаоссэс поттозы на.
Малы кылбура нылкышно? Та юанлы валэктон, лыдӟисьёслэн но критиъёслэн малпанъёссы- учконъёссы, выль бичетэн тодматскон сярысь пыр-почгес лыдӟоды «Ингож» приложениысь.


Галина Семёнова

Удмурт Дунне
By Удмурт Дунне 5 октября, 2021 11:36