30 ар ӵоже гуртъёсты ӝуто

Удмурт Дунне
By Удмурт Дунне 13 сентября, 2021 10:43

9-тӥ сентябре Эгра ёросын ортчиз Фермерлэн нуналыз, быдэс элькунысьтымы музъемен но пудоен вырисьёсты огазеяз.

Туспуктэм udmgossovet.ru сайтысь

Сӥё-дано ужрад ортчиз ёросысь Зура гуртысь культурая юртын. Фермеръёсты ӟечкыланы вуылӥз Кун Кенешысь «Единая Россия» фракциен кивалтӥсь Елена Дербилова. Со Кун Кенешлэн Тӧроезлэн Владимир Невоструевлэн нимыныз гуртоослы ужамзы понна тау кариз, тужгес устооссэ данъетъёсын пусйиз. Кылсярысь, Россиысь дано фермер луиз Эгра ёросысь Мувыр гуртэз ӝутӥсь Александр Корепанов. Шаерамы фермер движенилы 30 ар тырмонэн валче медален пусъемын Можга ёросысь Галина Белозёрова.

Шаерысьтымы фермеръёслэн огазеяськонэнызы 15 арлэсь ятыр ни кивалтэ Михаил Лебедев. Фермеръёслэн радазы али 1 сюрслэсь ятыр гуртоос пыртэмын. Арысь аре лыдзы йылэ. Соослы ӝутӥськыны берло дыре юрттэт но бадӟым сётӥське. Котькудӥзлы луонлыкез вань Гурт удысъя но сиён-юонъя министерстволэсь «Семьяен ужась фермер», «Егит фермер» но «Агростартап» программаосъя грантсэ вормыны. Туэ, кылсярысь, «Агростартап» программая 9 ёросын выль фермеръёс кылдозы, соослы азинскыны ог 80 миллион грант висъямын. Конкурслэн куронъёсызъя соос 30 ужан инты усьтыны кулэ.

Гуртоослы ужзэс азинтыны эшшо но юрттон вылысь Кун Кенешысь депутатъёс 7-тӥ сентябре сессия дыръя огкылэ вуизы: грантъёслы ватсаса 30 миллион манет бюджетысь висъяно. Озьыен, гуртоос пӧлын матысь дыре выль конкурс ялэмын луоз.

УД

Удмурт Дунне
By Удмурт Дунне 13 сентября, 2021 10:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<