Удмурт кылын 10 мультфильм лэсьтӥське

Удмурт Дунне
By Удмурт Дунне 18 сентября, 2021 13:42

Нылпиослы удмурт мультфильм лэсьтонъя нырысетӥез бадӟым проект рос-прос ужаны кутскиз.

«УдМульт» — со нырысь ик асьсэлы 7-12 аресъем пичиослы аспӧртэм лаборатория. Нылъёс-пиос асьсэ киын лэсьто удмурт кылын мультфильмъёс, юрттӥсьёссы — дышетӥсьёс но воспитательёс. Озьы Дэри, Якшур-Бӧдья, Ува, Шаркан, Сьӧлта, Глазов, Красногорск но Вавож ёросъёсын кылдӥзы аспӧртэм 10 студиос. Кивалто соосын, ужзэс радъяло, валэкто «Удмуртия» телеканылын ужасьёс. Проектлэн авторез — «Шудон корка» передачаез кылдытӥсь но нуись Ольга Ардашева-Фархутдинова. Проектсэ улонэ пыӵатыны со Президентлэн фондысьтыз грант басьтӥз. Озьы ик юрттэ солы «Мынам Удмуртие» телеканалысь корреспондент Елена Плотникова.

5 толэзь куспын Москваысь но Пермьысь мультипликаторъёс нылпиосты дышетозы арбериосты экранын улӟытыны. Вань занятиосты видеое гожтозы, соос мукетъёсызлы азьланяз мед юрттозы шуыса. Оглом чакламын удмурт кылын 10 мультфильм поттыны, котькудӥз соос удмурт калыклэн вашкала мадёсъёсыз вылэ пыкиськыса лэсьтэмын луозы. Вань ужъёс дась луэм бере, нылпиосты, дышетӥсьёсты, анай-атайёсты фестивале огазеялозы, мультфильмъёсты калыклы адӟытозы.

— Ми оскиськомы, проект ас котыраз 10 мультстудиосты гинэ уз биня — со мультипликациен вань тунсыкъяськисьёсты котыраз огазеялоз. Нош ми фестивалез арлы быдэ радъяны быгатомы, — шуэ Ольга Фархутдинова.

УД

Удмурт Дунне
By Удмурт Дунне 18 сентября, 2021 13:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<