Удмуртиын Йӧскалык сиён-юонлы сӥзем фестиваль ортче

Удмурт Дунне
By Удмурт Дунне 17 сентября, 2021 12:46

Куарусёнэ Дэбес ёросын 5-тӥзэ ортче «ЗАРНИ-Ё перепеч, табань но пельнянь» фестиваль. Таяз радэ онлайн амалэн. Со кыстӥськоз 30-тӥ куарусёнозь. Фестивалез радъяны юрттэ Йӧскалык политикая министерство. Со Пелняньлэн дунневыл нуналэзлы дасяськон луоз.

Туспуктэм «Фестиваль «ЗАРНИ-Ё перепеч, табань но пельнянь» «ВКонтакте» бамысь

Удмуртъёс дуно но гажамон муртъёсты котьку куноятӥзы перепечен, табанен, пельнянен. Фестивале пыриськисьёс дышетскозы перепеч пыжыны, тодматскозы удмурт калыклэн сямъёсыныз.

Фестивале пыриськыны ӧтё калык кырӟанъёсты быдэсъясь коллективъёсты, калык культураез азинтӥсь огазеяськонъёсты.

Али фестивальлэн «ВКонтакте» огиназ «Дэбесдэлет» фотоконкурс мынэ. Отчы пыриськон понна огинэ поттоно перепечез пӧраны валэктӥсь туспуктэмъёсты, пусъёно, кытысь тӥ, кӧня дыр но мар кулэ перепеч пыжон понна. Вормисьёсты 3 номинациосъя быръёзы: «Тужгес но аспӧртэм рецепт», «Тужгес но усто презентация» но «Тужгес но усто сервировка».

Огинын ик «Чупчигуръёс» площадкалэн ужаз пыриськыны луэ. Со понна удмурт кырӟанэз быдэстыса 5 минутлэсь вакчи видео гожтоно. Вормисьёсты быръёзы «Обряд», «Кадрел»

, «Кылбугор» номинациосын.

УД

Удмурт Дунне
By Удмурт Дунне 17 сентября, 2021 12:46