Туннэ Ижысь «Зенит» стадионын бадӟым футбол

Удмурт Дунне
By Удмурт Дунне 23 сентября, 2021 14:33

Футболэн шудонъя Россилэн Кубокез понна нюръяськонын Ижысь «Зенит-Ижевск» команда ас дораз пумиське Москваысь ЦСКА командаен. Шудонэз меӵак эфирын возьмато «Матч ТВ» каналэтӥ.

Туспуктэм «Зенит-Ижевск» командалэн «ВКонтакте» бамысьтыз

Ижевске вуэмын Москваысь 19 футболистъёс. Вормись команда 2021-тӥ — 2022-тӥ арын Кубок понна нюръяськонлэн 1/8 финалаз шедёз. Талэсь азьвыл Ижысь команда Липецкысь футболистъёслы келяз вал, нош туннэ соос шудозы Россиысь тужгес кужмоез ЦСКА командаен. Со — СССР-ысь Кубок понна нюръяськонлэн 7 пол чемпионэз луэ но 5 пол Кубокез утӥз, Россилэн 6 пол чемпионэз, 7 пол Кубок утӥз но суперкубок, Россиысь одӥгез команда, кудӥз УЕФА-лэсь Кубоксэ но утӥз.

Удмуртиысь команда берлозэ бадӟым вожвылъяськонэ пыриськиз 2015-тӥ арын. Соку Россилэн Кубокез понна нюръяськонлэн 1/16 люкетаз «Зенит» команда пумиськылӥз «Краснодар» командаен. Соку футболэн учкисьёслэн лыдзы 10 сюрслэсь трос ортчиз.

Туннэ шудонэ но билетъёс азьпал ик вузаськизы. Пусйыны кулэ, 2021-тӥ арын «Зенит» стадион выльдэмын вал: трибунаосыз, таблоез, электро езъёсыз, видеонаблюденилы камераосыз но мукет тӥрлыкъёс.

Валентина Емельянова

Удмурт Дунне
By Удмурт Дунне 23 сентября, 2021 14:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<