Пичи Пурга ёросысь Гожня гуртын этноплощадка кылдӥз

Удмурт Дунне
By Удмурт Дунне 23 сентября, 2021 12:50

Гожня гурт висъяське удмурт калыклэсь сям-йылолъёссэ утеменыз, кырӟаны-вераны, киуж ужаны усто луэменыз, огшоры ужез рос-прос лэсьтыны быгатэменыз.

Туспуктэм «Гожня гурт — сюлэмам! Гожня — в моем сердце!» «ВКонтакте» бамысь

Юнме шорысь гурт шоразы этноплощадка ӧз кылды. Отчы чебер пукон интыос сяна арт-объектъёс интыяськизы. Инву мумылэсь скульптуразэ лэсьтӥз Виктор Яковлев. Инву мумылы вашкала удмуртъёс вазиськылӥзы, зор курыса.

Азьвыл, пе, котькуд семьяын вал быдӟым крезьзы. Соин ик Гожняын но крезьлэн тусыз сцена-подиумлы пӧрмиз. Солы эскиз малпаз Виктор Яковлев, нош лэсьтӥз Пичи Пурга ёросысь Дышетонъя центрысь ӧнерчи Сергей Филимонов.

Татын удмурт эпосысь геройёс Зуй но Эбга улӟизы. Зуез но Эбгаез огазея вакчи выж — со выж вылтӥ мыныны кулэ нылкышнолы но воргоронлы ог-огзэ валан вылысь.

Кызьпу котыртэме пырон азьын выль капка пуктэмын. Юбоосыз вашкала «шунды» пужыосын, вӧлыса, чебермамын.

Нош Гожна (тазьы вашкалаос Гожня гуртэз нимало вылэм) кенерез лингво-арт-объект шуыны луоз. Чебер вашкала удмурт пужыос сяна, соослэн удмурт нимъёссы но гожтыса пуктэмын.

Гожна пуклёк — аспӧртэм трибуна. Со вылын лусъемын: «Малпа но вера».

Кызьпу котыртэмез мерлыко интылы — общественной пространстволы — кылдытон уж кутскиз 5 ар талэсь азьвыл. Вань гурт калыкез соку та бадӟым уже ӝутканы быгатӥзы Зинаида Елизарова но Гожна кенакъёс.

Ивор дасямын»Гожня гурт — сюлэмам» огинысь ивортонъя

Удмурт Дунне
By Удмурт Дунне 23 сентября, 2021 12:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<