Культурая юртъёс чеберско

Удмурт Дунне
By Удмурт Дунне 18 сентября, 2021 15:05

Шаерамы «Культура малой Родины» нацпроектъя гуртъёсын клубъёс выльдӥсько. Дэри ёросысь Подшивал но Ува ёросысь Поршур-Тукля гуртъёсын тупатъян ужъёс йылпумъяськизы ни.

Туспуктэм Поршур-Тукля культурая юртлэн «ВКонтакте» бамысьтыз

Поршур-Тукляысь культурая юртын быдэсак воштӥзы выжъёссэ, укнооссэ, ӧсъёссэ. Озьы ик борддоръёс выльдӥськизы, пандусъёс кылдӥзы. Тупатъян ужъёслы оглом 2 миллион манет висъяськиз. Со сяна, гуртъёсты котыр ласянь азинтон кун программая электро езъёс, ву кошкон но шуныт сётон гумыос воштэмын. Залэ но кабинетъёсы мебель басьтэмын.

Нялтас вераса, Поршур-Тукляысь клубын улӥсьёс понна15 кружокъёс ужало, отчы 270 мурт ветлэ. Выльдэм культурая юртын ужрадъёс ортчытъяны эшшо шулдыргес луоз. Туэ татын сӧсыръёс понна «Шаг вперед» театральной академия ужзэ мытоз, солы Президентлэн фондысьтыз 343 сюрс манет грант басьтӥзы.

Озьы ик тодмантэм воштӥськиз Подшивал гуртысь культурая юрт. Выльдэм зал 202 муртлы чакламын. Небыт, югыт, чебер интыын концерт учкыны шулдыргес луоз.

УД

Удмурт Дунне
By Удмурт Дунне 18 сентября, 2021 15:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<