Куара сётонлэн нырысетӥ нуналыз: кинэ быръёно но кызьы улон интыедъя участокез шедьтоно?

Удмурт Дунне
By Удмурт Дунне 17 сентября, 2021 13:53

17-тӥ сентябрьысен 19-тӥ сентябрёзь Россиын куара сётон ортче — бырйиськомы Кун Думалэн 8-тӥ ӧтчамаз депутатъёсты.

Туспуктӥз Элина Кумачёва

Куара сётон дыръя котькудмылы сётозы 2 бюллетень: одӥгаз быръёно луоз партиез (огъя кунмыя), кыкетӥяз — нимаз адямиез (улосысь одӥг мандатъем округъя). Та округъёс элькунамы кык: 33 номеро Удмуртской но 34 номеро Ижевской.
— Пропискае ёросын, нош ужасько Ижын. Азьвыл ик куриськон гожтӥ, Ижын куараме сётыны мед быгатом шуыса. Быръёнъёс 3 нунал ортчо — туж лякыт: адями ачиз быръе тупась нуналэз. Мон куараме сётӥ пятницае, шутэтскон нуналъёсы дорысь нокытчы потанэз уз лу, шутэтско, — шуэ Ижын улӥсь Анастасия Волкова.

Гуртын улӥсьёс быръёзы на 25 муниципал округъёсы депутатъёсты.
Шаерамы ваньзэ-ӧвӧлзэ ужало быръенъёсъя 1 сюрс 172 участокъёс. Кытын куара сётыны быгатоды, шедьтоды татысь:
Россиысь ЦИК-лэн сайтаз «Цифровые сервисы» сэрегаз http://www.cikrf.ru/digital-services/ яке
«ТИК и УИК на карте Росии» картографияя сервисын http://www.cikrf.ru/digital-services/

Кун услугаосъя огъя порталын «Мои выборы» сэрегын
8-800-200-00-20 дунтэк телефонъя (+7(495)249-72-15 номеръя жингыртыны быгатозы Россилэн палэназ кошкемъёс).

УД

Удмурт Дунне
By Удмурт Дунне 17 сентября, 2021 13:53