Ижкарын ву чылкытгес луоз

Удмурт Дунне
By Удмурт Дунне 19 сентября, 2021 12:39

Вуэз дасянъя «Ижводоканаллэн» «Кама-Ижевск» станцияз выль сооружениос пукто, соос вуэз чылкытатыны, пайдаёгес ужаны юрттозы. Соос пуктӥсько Россилэн Президентэныз Владимир Путинэн ӵектэм «Экология» нацпроектэз улсын.

Лэсьтӥськон ужъёс йылпумъяськизы ке, «Ижводоканалын» вуэз кӧня ке пол уже кутыны луоз. Соку инкуазез чылкытгес возиськоз.

— Ужъёс графикъя мыно, — вераз «Ижводоканаллэн» кивалтӥсезлэн воштӥсез Альберт Ромашко, — гужем шуг-секытъёс кылдылӥзы вал, али ваньмыз тупатскиз.

Проект улонэ 3 ар ӵоже пыӵалоз, со понна 500 миллион манет пала кулэ луоз.

УД

Удмурт Дунне
By Удмурт Дунне 19 сентября, 2021 12:39