Ижевскын ӵуказе выль бассейн усьтӥськоз

Удмурт Дунне
By Удмурт Дунне 17 сентября, 2021 14:21

Таиз бассейн бадӟым, эркын, нош уян сюресъёсыз 50 метр. Таӵеез Удмуртиын ӧй вал на. Ӵошатсконэ пыриськисъёслэсь дырзэс финишын пусъёз хронометраж, соку ик возьматоз со лыдпусэз бадӟым экран вылын.

Ву сузян системаосын туала оборудование кутӥське, тренировкаос ортчытыны спортсменъёслы вань луонлыкъёс кылдытэмын, тренажёръёс пуктэмын, нош видеокамераос спортсменъёсты тусбуйзыя тодмалозы.
— Выль бассейнын выль рекордъёс луыны кулэ, — шуиз мугорез кыдатон культурая, спортъя но егитъёсын ужан политикая министрлэн воштӥсез Денис Парахин, — оскисько, та юрт городысь тужгес шулдырез луоз.

Бассейнэз сӥё-дано усьтон нуналэ ик ӵошатсконъёс ортчытыны чакламын. Со понна али ик пусйиськоно «Калашников Спорт»: http://kalashnikov.sport/ сайтын. Уянъёс ортчозы 50 метре но 400 метре, озьы ик вань мылкыд карисьёс уялозы пеллям фламингоен.

Валентина Емельянова

Удмурт Дунне
By Удмурт Дунне 17 сентября, 2021 14:21