Ижевске вуылӥз Россиысь Баскетболъя федерациен кивалтӥсь Андрей Кириленко

Удмурт Дунне
By Удмурт Дунне 15 сентября, 2021 21:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вордскем городаз со пумиськылӥз Удмуртилэн Тӧроеныз Александр Бречаловен но Удмуртиысь Баскетболъя федерациен кивалтӥсеныз Марат Зиятдиновен. Та нуналэ огкыл гожтӥзы матысь 4 арлы шаерысьтымы баскетболэз азинтыны юрттон пумысен.


Спортэз, баскетболэн шудонэз, азинтонлы шаерамы бадӟым саклык висъяське. Гуртъёсын туала но бадӟымесь спортзалъёс кылдо. Берло 4 ар куспын шаерысьтымы 125 школа спортзалъёс выльдэмын-тупатъямын. Спортъя бадӟым зал усьтэмын Можгаын, матысь дыре мугорез кыдатонъя комплекс усьтыны чакламын Ижевскын. Тросэз соос нацпроектъёс, федерал но элькун программаос но «Огъя Россия» фракцилэн юрттэм чотын улонэ пыӵало. Огкылын вераса, баскетбол – спортысь тужгес вӧлмем амал луэ. Шарен шудыны мылкыд карисьёслэн лыдзы арысь аре йылэ, туннэ нуналлы баскетболэн шудонэ ог 14 сюрс адями пыриське, шаерамы 95 спортзалъёс ужало. Нош Удмуртиысь баскетболэн шудонъя «Купол — Родники» клуб 2020-тӥ-2021-тӥ арын Россилэн Кубокез понна нюръяськонын 4-тӥ инты басьтӥз.
Андрей Кириленко вуылӥз Дэри ёросысь Италмас школае, пумиськылӥз Олимпийской чемпионкаен Галина Кулаковаен. Школаысь 6-тӥ классын дышетскисьёсын кульчое шар куянъя ӵошатскон радъямын вал. Озьы ик мылкыд карисьёс дано спортсменэн патретэ пуксизы.

Валентина Емельянова

Удмурт Дунне
By Удмурт Дунне 15 сентября, 2021 21:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<