Егит ужбергатӥсьёс ужзэс азинтыны 1 миллион манет утыны быгатозы

Удмурт Дунне
By Удмурт Дунне 24 августа, 2021 09:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Туспуктӥз Максим Егоров

Кутскон сётэмын егитъёс понна «Школа бизнеса» проектлы. Ужрад йылпумъяськоз шуркынмонэ — устоезлы егит ужбергатӥсьлы малпанзэ улонэ пыӵатыны 1 миллион манет висъяськоз. Со сяна, 4 устоез проектэ лыктэмъёс пусъемын луозы Sony PlayStation 5, iPhone XR 64, Apple Watch 6 яке Apple Airpods Pro гаджетъёсын. Проект улонэ пыӵатӥське Улосэз азинтонъя корпорациен Правительстволэн но «Сбербанклэн» юрттэмзыя.

Проект кӧня ке люкетлэсь пӧрмоз: дышетон, ток-шоу, вуз карон. Егитъёс 4 арня ӵоже дышетсокзы, кызьы, малпан бордысен кутскыса, бизнесэз азинтоно.

Ужбергатон удысын визь-кенешен юрттозы шаерысьтымы азинлыко компаниослэн азьветлӥсьёссы — «Центр высоких технологий» компанилэн кивалтӥсез Олег Вылегжанин, «Хлебница» пекарняослэн кивалтӥсез Андрей Гейко, Coffee Like компанилэн огез кивалтӥсез Зуфар Гарипов но мукетъёсыз.

Проектлэн дышетон люкетаз куриськонъёс кутӥсько 25-тӥ августозь. Отчы пыриськыны быгато Россилэн вань улосъёсысьтыз 14-20 аресъем егитъёс.

— Проектэ пыриськыны мылкыдзэ вераз ни 800 адями. Егитъёслэн туж тунсыко малпанъёссы, соос герӟаськемын калыкез сюдонэн, дӥськутэз но пыдкутчанэз утялтон амалъёсын но трос мукетэныз. Ми юрттомы малпанъёссэс пумозяз улонэ пыӵатыны, — вераз Удмурилэн Тӧроез Александр Бречалов.

Удмурт Дунне
By Удмурт Дунне 24 августа, 2021 09:20