Бӧдья пуслэн бурдыз улын

Удмурт Дунне
By Удмурт Дунне 31 августа, 2021 13:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Якшур-Бӧдья черкогуртлэн шортӥз визылась Якшур шурлэн котырыз выльдӥське но чеберске: ваньмыз кутскиз та шурлы сӥзем проект радъяськем бере.

«Выль Якшур» инты «Бӧдья позумент» пужыен чеберъямын.
Туспуктӥз Эвелина Иванова

Проектэз улонэ пыӵа­тыны кутскизы «Якшур-Бодья — открытый дом» огазеяськонын, ёросысь лулчеберет удысын ужасьёслэн профсоюзазы тыршисьёс. Огазеяськонысь методист Оксана Вахрушева верамъя, кылем арын соос утӥзы «Культурная мозаика Удмуртии» грантэз. Нырысь-валысь басьтӥськизы чылкытатон но утялскон борды — та дырозь шурлэн ярдуръёсаз буш возьвыл вал, куакъёс будӥзы. Жуг-жаг куясьёс но шедьылӥзы.

Мытэм уже мылысь-кыдысь пыриськыны кутскизы лулчеберет удысын, черкогуртлэн администрацияз ужасьёс: соос мукет проектъёс кылдытъязы, коньдон утон понна конкурсъёсы пыриськылӥзы.

Тыршемзы юнме ӧз луы. Арлэн кутсконаз лулчеберет удысысь ужасьёслэн проф­союззы «Бодьинский позумент. Перезагрузка» проектэныз вормисе потӥз. Позумент амалэн пужыятскон азьвыл дыръёсы Якшур-Бӧдья но Шаркан палъёсын гинэ вӧлмемын вылэм. Проект чотын тулыс мылкыд карисьёслы позумент амалэн пужыятскыны дышетскисьёслы нимысьтыз кружок ӧсъёссэ усьтӥз. Дышетӥсьёс интыын татын луизы Кибашлыослэн юртазы ужасьёс. Нош пӧсьтолэзь нуналъёсы шур дурын сылӥсь кенеръёсты суредасьёс «Бӧдья позумент» пужыен буяны кутскизы.

Та дырлы возь вылын чылкытатэмын одӥг гектар пала инты. Бусы вамен, выль куэм выж лёгет кадь, ӵыж-выль тротуар вӧлдэмын. Площадкалэн тужгес нюр интыосаз ужасьёс музъем вортто но вылзэ тракторъёсын вольыт каро.

Шурлэсь ярдуръёссэ чебер каронъя эшшо одӥг проект — «ВОРОТись» фестиваль. Таиз улонэ пыӵатэмын луоз Президентлэн фондысьтыз грант утэмен валче. Солэн быдӟалаез — 2 миллион манетлэсь трос. Проект улсын «Выль Якшур» площадкаын пуктэмын луозы капкалы сӥзем 10 пала арт-объектъёс. Азьло дыръёсы черкогуртэ пыронын, тросаз удмурт гуртъёсын кадь ик, капка сылэм — сое «Горд капка» шуо вылэм. Почта тракт вылысь Якшур-Бӧдьяез Удмуртилэн лымшорысьтыз уйпалаз капка но нималлям. Соин ик капка бӧдьяослэн пуссы луэ.

Проект улсын ортчытыны малпамын «ВОРОТись» кун фестиваль. Та дыре тодмо луиз ини, кин вормисе потӥз но кинлэн капкаосыз чебертозы «Выль Якшур» площадкаез. Вормисьёс пӧлын — Пермьысь, Нижний Тагилысь, Чебоксарыысь, Екатеринбургысь но мукет улосвылъёсысь кибашлыос. Соослэн ужъёссы интыямын луозы Якшур-Бӧдья черкогуртлэн шораз.

Фестиваль ортчоз куарусён толэзьлэн кутсконаз.

Удмурт Дунне
By Удмурт Дунне 31 августа, 2021 13:06 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<