Шарканысь егит уясь Павел Куклин Токиоын ортчись Паралимпиадае мыноз

Удмурт Дунне
By Удмурт Дунне 21 июля, 2021 11:34
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шарканысь егит уясь Павел Куклин пыриськоз 24-тӥ гудыриконысен 5-тӥ куарусёнозь Токиоын ортчись Паралимпиадае. Пияш али резь-куаж бадӟым ӵошатсконъёслы дасяське.

Павел Куклин
Туспуктэм басьтэмын геройлэн архивысьтыз

Пашаез пичи дырысеныз тазалыкез ляб. Соингес но сое 6 аресказ Воткинскысь бассейнэ вуттӥз атаез. Пияш уяны пӧрмытэ шуыса соку ик адӟиськиз. Озьы Павел быгатонлыксэ «Знамя» Елена Афаринова тренер дорын волятыны кутскиз. 10 арескысен со ачиз анай-атаезтэк Шарканысь Воткинске арняяз коня ке пол ветлылӥз ни.

— Атаймы спортэз гажа, соин ик ваньмес таза улонэн эшъяськытыны тырше. Соингес но Пашамес уянэ ваиз, пимылы вуын кельше

2016-тӥ арын Павел инвалидъёс пӧлын ортчись нырысетӥ бадӟым вожвылъяськоназ мынӥз, со ортчиз Башкортостанысь Салават городын. Соку ик 100 метрез тыбыр вылын уяса, спортъя мастерлэсь куронъёссэ быдэстӥз. Али пияшлэн вормонъёсыз лыдъянтэм трос ни.

Та вакытэ пияш мугорзэ кыдатэ Удмуртиысь сӧсыр спортменъёсын ужась Маргарита Борисова тренер дорын.

— Спорт яратоно уже, сотэк улонме уг адӟиськы. Со мыным кужым сётэ, нуналме пайдаё радъяны юрттэ, — мылкыдзэ вераз егит спортсмен.

Павел уянлы нуналаз 2-3 час висъя, нош бадӟым ӵошатсконъёс азьы 6 час бассейнысь уг поталля. Та вакытэ со Паралимпиадалы дасяське — сборъёссы ортчо Москва улосысь Рузино городын. 31-тӥ пӧсьтолэзе быдэс командаенызы Сахалинэ лобӟозы ни. Отын тренировкаоссэс азинтозы. Мугорзы бадӟым ӵошатсконъёс азьын быдэс толэзь отысь дырлы, инкуазьлы мед дышоз, пе.

Павеллы 19 арес, со Россиысь юстицияя университетлэн Ижысь ёзаз юристлы дышетске. Пичи ваньмон дыр шедьтэ ке, лыдӟиськон сьӧры пуксе. Яратэ фантастикаез.

Ангелина Снигирёва

Удмурт Дунне
By Удмурт Дунне 21 июля, 2021 11:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<