Пыжиськизы 16 гурын

Ангелина Снигирева
By Ангелина Снигирева 8 июля, 2021 14:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаркан ёросысь Быгы гуртын фин-угор сиён-юонъёслы сӥзем «Быг-Быг» фестиваль ортчиз. Ужрадэз учкыны, чес­кыт пӧраськемъёсты шӧмъяны вуылӥз 6 сюрс 447 мурт.

Пӧраськисьёс фестивале мотоблокен вуизы
Туспуктӥз Валентина САВЕЛЬЕВА

2014-тӥ арын Быгы гурт фин-угор дуннелэн культурая шоркарез лыдъямын вал. Со дырысен гуртоослэн улонзы чылкак воштӥськиз, дӥнязы трос калык вуылыны кутскиз. «Быг-Быг» фестивальлы луыса гурт чеберскиз, удмурт культурая центр кылдӥз. Табере Быгы Удмуртиысь 100 тодмо интыос пӧлы пыре. Бен, сюресъёс ласянь куд-ог сюлмаськонъёссы вал ке, туэысен та ужпум йылаз-пумаз вуттэмын. Фестивале лыктӥсьёс та рад выль вӧлдэм асфальт вылтӥ вуизы. Машинаосын лыктӥсьёс сяна, мугорзэс кыдатыны яратӥсьёс (скандинав амалъя ветлӥсьёс) Шарканысь Тол бабайлэн усадьбаысеныз Быгыозь (15 иськем) пыдын вуизы.

Фестиваль туэ 7-тӥзэ ортчиз. Удмуртиысь сяна, Москва, Пермь, Самара, Тверь но мукет улосъёсысь куноос вуылӥзы, кунгожсьӧръёс онлайн амалъя пыриськизы. Дӥнязы лыктӥсьёсты варсен, удмурт но коми-пермяк сурен, сюкасен но турын чаен пумитазы.

Азьвыл аръёсын ӵоша­тыса, пӧраськыны яратӥсьёс туэ тросгес люкаськизы. Кылсярысь, «Милям ческытгес» конкурсэ 50 мурт пыриськиз, «Эгыр вылын» вожвылъяськонэ — 42 мурт, «Вашкала удмурт сиёнъёс» ӵошатсконэ — 20 мурт. Нош Быгы базарын вузаськизы быгыос гинэ — дораз пыжем-пӧзьтэм
сиёнъёссэ вузаны мылкыд кариз 11 мурт.

— Ужрадмы туж шулдыр ортчиз, — шуиз удмурт культурая «Быгы» центрлэн кивалтӥсез Жанна Ермолаева. — Фестиваль дыръя 16 гурын пӧраськизы. Одӥгез гур фестиваль дыръя пуктэмын вал — гуртысь кибашлы воргорон Михаил Васильев мастер-класс возьматӥз.

Ческыт пӧраськемъёсты веръям сяна, 23 коллектив возьматӥз кырӟаны-вераны быгатонлыкъёссэ. 14-30 аресъем егитъёс понна, соос 20 кузя вал, нырысьсэ ужаз «блог-Быг-тур». Фестиваль дыръя соос волонтёръёслэсь ужзэс быдэс­тӥзы. Ужрадын нырысьсэ ужаз мунчо, веникен париськонъя мастер-класс возьматӥз Ижысь Алексей Тюрнин.

Валентина Савельева

Ангелина Снигирева
By Ангелина Снигирева 8 июля, 2021 14:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<