«Огъя Россия» партия сад-бакча сиёнъёслэсь дунъёссэс кулэстонъя дэмланъёссэ дасяз

Удмурт Дунне
By Удмурт Дунне 20 июля, 2021 14:44
Фото: О. Чураева

Ӵектонъёс герӟаськемын кубиста, сугон, картош, ӵужкушман, гордкушман но кияр-помидор бакча-сиёнъёслэсь дунъёссэс кулэстыны луонлыкъёс пумысен. Соос Правительствоен валче дасямын.

— Кылем шутэтскон нуналъёсы ми вань улосъёсын бакча сиёнъёслы дунъёсты эскерыса потӥм. Котькуд улос дунъёсты пичиятон понна аслэсьтыз дэмланъёсэ дасяз, — вераз партилэн Генеральной Кенешезлэн секретарез Андрей Турчак.

Та вакытэ дунъёсты эскеронъя огъя группа кылдытэмын, ӝоген соос ужаны кутскозы кутскозы котькуд улосын. Группаен кивалтэ Кун Думаысь депутат Алексей Гордеев.

Дунъёсты возён понна вуз карись сетьёс но бакча сиён будэтӥсь организациос куспын огкыл гожтэмын. Со калыклы кулэ луись вузъёслэсь дунзэс будэтонэз чаклалоз. Со сяна, дэмламын базаръёслэсь лыдзэс уноятыны, калык ас киыныз будэтэм емышсэ отын вузаны мед быгатоз шуыса.

Дунъёсты чакласа возе Удмуртиын но, соосты чакланъя группа кылдытэмын. Солэн ужаз пырисько Правительствоысь, Промышленностья но вуз каронъя министерствоысь, вуз карон сетьёсысь адямиос. Со сяна, Кун Кенеш бордын «Калык фронт» проект ужа. 17-тӥ пӧсьтолэзе проектысь адямиос «Славянский базар», «Пятерочка», «Магнит» сетьёстӥ ортчизы. Соос шараязы: ӵужкушманлы но кубисталы дунъёс 7-12 процентлы будэмын, картошлы но сугонлы дунъёс кулэсмыны ӧдъязы.

Сергей Захаров

Удмурт Дунне
By Удмурт Дунне 20 июля, 2021 14:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<