Воткинскысь ву гумыосты тупатонлы ватсаса коньдон висъямын

Удмурт Дунне
By Удмурт Дунне 16 июля, 2021 16:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Правительстволэн кенешоназ эскеризы Воткинскын вуэн кылдэм югдурез. Татын тужгес бадӟымез сюлмаськон — сисьмем ву гумыос. Соослэн шоро-куспо арлыдзы — 40 арлэсь ятыр. Ву вуттӥсь гумыос 75 процентлы сузмемын, нош канализацие нуисьёсыз — 70 процентлы.

Фото: архив «Удмурт дунне»

— Туэ соцсетьёсын вазиськисьёс пӧлын туж трос луизы Воткаын улӥсьёс. Калыклэн самой бадӟым шугъяськонэз — ву. Дасо аръёсын ужпумез сэрттыны ӧз басьтӥське, 20 арлэсь кема ву гумыослы капремонт ӧз лэсьтэ. Таин валче шуге-леке вуэ калык. Табере ӝог решение кутоно но ужано, — шуиз Тӧро Александр Бречалов.

Вотка городлэн йырыз Алексей Заметаев верамъя, Воткинскын ву сётонлы, ву кошконэз радъянлы чаклам тарифъёс котькытынлэсь пичиесь вал. Соин валче тупатъян ужъёслы нокӧня но уксё ӧз мыны. Аръёсын люкаськем ужпумъёс шараяськизы туэ толалтэ: я ву гумыос кынмо, я пасясько. Туэ ӝыны ар куспын 351 пол вумыос пильыськылӥзы.

Югдурез котыр ласянь тупатон понна 2020-тӥ арын 2021-тӥ-2023-тӥ аръёслы кутэмын инвестиционной программа. Сое улонэ пыӵатыны кутскизы ни пӧсьтолэзьлэн кутсконаз ик.

1-тӥ пӧсьтолэзьысен Воткинскын коммунальной тыриськонъёс воштӥськизы, 1 кубометрез кезьыт ву 33,52 манет сылэ. Шаерысьтымы мукет городъёсын ӵошатыса, со котькытылэсь пичи.

Елена Скворцова

Удмурт Дунне
By Удмурт Дунне 16 июля, 2021 16:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<