Ойдо, эше, Гербере!

Ангелина Снигирева
By Ангелина Снигирева 4 июня, 2021 14:08

Арлы быдэ, гырон-кизён ужъёслы йылпумъян лэсьтыса, удмуртъёс Гербер (Гыронбыдтон) шулдыръяськон ортчыто. Матысь дыре калыкез кӧня ке сыӵе праздникъёс витё.

Туспуктӥз М. Егоров

12-тӥ июне Гербер ортчоз Ижысь Кызьпу арамаын. Шулдыръяськон, 11 часысен кутскыса, 18 часозь кыстӥськоз. Куноосты пумиталозы Ижысь удмурт коллективъёс, ансамбльёс. Ужалоз кӧня ке площадка: «Удмурт Кенеш» огазеяськонлэн Ижысь ёзэзлэн «Бускельёс» азбарзы, нылпиослы сӥзем «Шудон корка», мастер-классъёсын «ЛэсьтонКА», визь сынанъя «Удмуртия — мынам доре», спортын кужымез мертанъя «Кужым», кырӟасьёслэн «Кырӟась арама» но мукет. Нимысьтыз площадказы луоз удмурт кылын потӥсь газет-журналъёслэн (Йӧскалык печатья юртлэн) но. Татын «Удмурт дунне» газетлы но мукет изданиослы­ гожтӥськыны, лотереяе пыриськыны луоз. Герберын озьы ик луоз удмурт сиёнэн кунояськыны, тодмо удмурт кырӟасьёсты кылзыны.

Нош 26-тӥ июне шаерамы улӥсьёс но республикамылэн куноосыз люкаськозы Вавож ёросэ. Отын ортчоз элькун Гербер. Со сӥё-дано усьтӥськоз 11 часын. Бадӟым праздник бере, арня ортчыса, удмурт

шулдыръяськон луоз Татарстанысь Агрыз ёросысь Варклед-Бӧдьялан. 3-тӥ июле отын радъяськоз Гыронбыдтон.

Елена Васильева

Ангелина Снигирева
By Ангелина Снигирева 4 июня, 2021 14:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<