Ижын усьтӥськиз Россиысь фин-угор калыкъёслэн форумзы

Ангелина Снигирева
By Ангелина Снигирева 3 июня, 2021 17:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь Операя но балетъя театрын усьтӥськиз Россиысь фин-угор калыкъёслэн форумзы. Шаерамы 30-лэсь ятыр улосъёсысь 400 котыр куноос лыктӥзы.

— 29 ар талэсь азьло ӵапак Удмуртиын радъямын вал Фин- угор калыкъёслэн 1-тӥ съездзы. Табере татын выль форумлы кутскон сётӥськом. — Фин-угоръёс — Россиын улӥсьёслэн бадӟым люкетсы. Соос узыргес но чебергес каро бадӟым кунмес. Оскем потэ, форум кема ужась, кенешон интылы пӧрмоз шуыса. Асьмелы вань, мар пумысен кенешыны, кыӵе визь-нод ог-огмылы сётыны, — вераз Россиысь фин-угор калыкъёслэн ассоциацизылэн тӧроез Пётр Тултаев.

Форуме люкаськемъёсты онлайн амалэн ӟечкылазы Россиысь Президентлэн Администрациезлэн кивалтӥсезлэн воштӥсез Магомедсалам Магомедов, пӧртэм выжыысь калыкъёслэн ужъёссыя федерал агентстволэн кивалтӥсез Игорь Баринов, Удмуртилэн Тӧроез Александр Бречалов.

— Азьланяз форум 2 арлы 1 пол ортчоз. Тау Удмуртилы таӵе ӟеч пумитамез понна. Пандемия йылпумъяськем бере, оскиськом, та ужрад калыккуспо луоз шуыса, — вераз Игорь Баринов.

Куноослы чебер концерт возьматӥзы Удмуртиысь артистъёс: «Айкай» театр, «Италмас» ансамбль, Брангуртысь песянайёс, Богдан Анфиногенов, нылпи коллективъёс.
Экранын видеоинсталяция амалэн кыл писпу ӝужаз.

Форумлэн пленарной кенешаз пыриськизы АФУН-лэн тӧроез Пётр Тултаев, Россиысь пӧртэм выжыысь калыкъёслэн федерал агентствозылэн кивалтӥсезлэн воштӥсез Станислав Бедкин, Удмурт кун университетысь профессор Наталья Кондратьева, Мордовиысь профессор Юрий Мишанин, Коми Республикаысь Фин-угор культурая центрлэн кивалтӥсез Татьяна Барахова, Карелиысь Общественной палаталэн ёзчиез, издательстволэн кивалтӥсез Наталья Синицкая, Марий Элысь «Мер Канаш» огазеяськонлэн тӧроезлэн воштӥсез Елена Иванова, Россиысь Калыкъёслэн ассамблеязылэн кенешезлэн тӧроез Светлана Смирнова.

Та бере шор площадьын удмурт эктонъёсъя мастер-классъёс возьматӥзы «Чебеляй» эктонъя студиысь артистъёс. Сцена вылысен чузъяськизы Мурманск улосысь «Елле» коллективен быдэстэм саам калыкъёслэн йойк кырӟанъёссы. Озьы ик калыкез шулдыртӥзы Карелиысь рэпер Ondrei, Удмуртиысь «Азвесь крезь» бесерман коллектив.

Елена Скворцова

Туспуктӥз Максим Егоров

Ангелина Снигирева
By Ангелина Снигирева 3 июня, 2021 17:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<