Ижкарлэн нуналаз тымет вылын Олимпийской ульча усьтӥськоз

Ангелина Снигирева
By Ангелина Снигирева 7 июня, 2021 11:47
Ижкарлэн нуналаз пӧртэм пумо спорт амалъёсъя мастер-классъёс ортчозы
Туспуктӥз Максим Егоров

Быдэс нунал ӵоже адямиос спорт ӧрен котыртэмын луозы. 12-тӥ инвожое 11 часысен 18 часозь тымет вылын пӧртэм мастер-классъёс ортчозы.

Ижкаръёсты но куноосты тодматозы бендреслинг, хоббихорсинг, панна-футбол кадь туала выль спорт амалъёсын. Кикбоксинг, ушу, каратэ, дзюдо но мукет спортъя Удмуртиысь федерациосысь кужмо спортсменъёс быгатонлыксэс возьматозы.

Адӟыны луоз гимнастикаея, фитнес-аэробикая, художественной гимнастикая, черлидингъя мастер-классъёсты. Учкем сяна, калык ачиз но пыриськыны быгатоз бадминтонъя, дзюдоя, бендреслингъя, хоббихорсингъя турниръёсы.

Озьы ик калык быгатоз йогаен вырыны, батутъёсын тэтчаны, Zumba эктонэз дышетыны.

Ижкарын ортчоз брейкингъя нырысетӥез «ИжЗаДвиж» городской турнир. Шоркарамы лыктозы Новокузнецкысь, Москваысь, Пермьысь, Сочиысь, Ростовысь, Новосибирскысь, Санкт-Петербургысь, Томскысь но мукет городъёсысь спортсменъёс.

Тодэ вайытом: шоркарлэн нуналыз 3 нунал ӵоже радъяськоз:

10-тӥ инвожое азбарлэн нуналыз;

11-тӥ – ёрослэн нуналыз;

12-тӥ – шоркарлэн нуналыз.

Праздниклэн ортчон программаеныз пыр-почгес тодматскыны луоз 261.izh.ru

Ангелина Снигирева
By Ангелина Снигирева 7 июня, 2021 11:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<