Вожвылъяськом, эктом, кырӟалом!

Ангелина Снигирева
By Ангелина Снигирева 10 июня, 2021 12:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вожвылъяськом, эктом, кырӟалом!

Матэктӥсь шутэтскон нуналъёсы Ижын улӥсьёсты но куноосты вите 3 нуналъем тунсыко фестиваль: 10-тӥ июне пусъём Азбарлэсь нуналзэ, 11-тӥ июне — Ёрослэсь нуналзэ, 12-тӥ июне — Россилэсь но Иж городлэсь нуналзэс.

Туспуктӥз Эдуард Карипов

Ужрадъёс уката турлы луозы 12-тӥ июне. Соос радъяськозы С. Киров нимо паркын, зоопаркын, Космонавтъёслэн парказы, Н. Гогольлэн бульвараз но трос мукет интыосын. Мӧзмыт уз луы Шор площадьын: фестивальёс, турниръёс, шудон-эктонъёс, кырӟанъёс кыстӥськозы, вазь ӵукнаысен кутскыса, бер ӝытозь.

9 часын

Ижысь пыӵал тӥрлык поттон заводэз кылдытӥсь Андрей Дерябинлэн синпелетэз азе сяська тугоко понон. Отчы пыриськозы Ижысь кивалтӥсьёс, кадетъёс.

Та вакытэ ик Иж тымет дурын кутскоз «Бежим с Кузей» пыдын бызьылон. Отчы пыриськон понна пичияк коньдон тыроно луоз, люкаськем уксёез висъяны чакламын Нылпи элькун больницае шудон площадка пуктонлы.

13 часын

Кызьпу арамаын сӥё-дано усьтӥськоз Гербер удмурт шулдыръяськон.

— Шор площадьын та вакытэ ик кутскоз шахматэн шудонъя турнир, вань мылкыд карисьёс, дэмен кариськыса, тодмо гроссмейстерен Александр Морозевичен кужымзэс мертаны быгатозы.

— Правительстволэн юртэз сьӧрысь ротондае люкаськозы нылпиосын семьяос — Россиысь нылпи суредъёслы сӥзем «Сказка в красках» ужрадэ.

— Вормон сквере, Ялан ӝуась тыл доры, 12-тӥ ползэ «Голос улиц» фестивале люкаськозы егитъёс — стритбол, киберспорт, фризби, регби но мукет шудонъёсын шудозы. Вань мылкыд карисьёс АК-12 автоматэз сэрттыны-бичаны быгатозы.

— Иж тымет дурын дзюдоя, нюръяськонъя турниръёс ортчозы. Татын ик пумиськозы быдэс Россиысь брейк-данс эктӥсьёс. Нош ӝытлань мытэмын луоз крезьгуръя «Твой звук» фестиваль.

— Шор площадьысь валтӥсь сцена вылын нунал ӵоже шулдыртозы шаерысьтымы тодмо кырӟась-верась коллективъёс. Татын ик «Голос Ижевска» проектлы йылпумъянъёс лэсьтэмын луоз — финалэ потэмъёсты быдэс город кылоз. Та сяна, соос дэмен Россилэсь гимнзэ быдэстозы.

21 часысен концерт сётыны кутскоз Москваысь куно — тодмо артист Сергей Лазарев.

22 час 15 минутэ Иж вадьсын кисьтаськоз фейервек.

Ужрадъёс сярысь тыро-пыдогес тодыны луоз Иж город администрацилэн izh.ru сайтысьтыз.

Элина Кумачёва

Ангелина Снигирева
By Ангелина Снигирева 10 июня, 2021 12:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<