11 пинал но 27 нуныкай

Удмурт Дунне
By Удмурт Дунне 26 мая, 2021 13:02

Шаркан ёросысь Пашур-Вишур гуртын улэ Тамара Михайловна Буранова. 83 аресъем кышномуртлэн 11 пиналэз.

Тамара Буранова

Тамара Михайловна вордскемын та ёросысь ик Калиновка гуртын. 3 арес дыръяз атаез ожын быре, анаез но, секыт висьыса, улонысь вазь кошке. Нылашез будэто Пашур-Вишур гуртын улӥсь пиналтэк кылем ӵыжы-выжыосыз.

— Озьы мон Иванова луи, — тодаз вае кышномурт. — Выль анай-атае монэ туж яратыса будэтӥзы, соос понна мон «дыды» яке «зарни» гинэ вал. Озьы Пашур-Вишур гурт но вордскем гуртэ кадь потыны ӧдъяз. Школаын дышетскыса, колхозэ ужаны кыли, вань улонме скал кыски.

Тамара Буранова 40 ар колхозын ужаз. Нуналлы быдэ пудо котырын бергаз. Со вакытэз малпа ке, пайме, вань колхоз ужез киын, пе, быдэстӥськомы вал. Уждунзы пичи вылэм ке но, улыны тырмылэм. Гуртазы но гид тыр пудо вордӥллям. Гурт удысын трос аръёс ужамез понна Тамара Михайловна луиз ужысь ветеран, уно данъян грамотаосын но медальёсын пусъемын.

Но песянай понна тужгес дуноез луэ «Медаль материнства» гадьпус. Кузпалэныз Григорий Александровичен 11 пинал вордӥзы: Михаил, Александр, Пётр, Николай, Василий, Сергей, Андрей, Валентина, Ирина, Светлана, Алевтина. Вань пиоссы но Алевтина нылзы Пашур-Вишур гуртын ик уло, Светланазы — Сосновкаын, Ириназы но Валентиназы — Воткаын. Соослэн оглом 27 пиналъёссы.

— Мужикеным ӵошен кырӟаны туж яратылӥмы, кырӟаса кӧтыз тырытэк, куноысь но со уг поты вал, — шуэ кышномурт. — Нылпиосмылы но кырӟан-веран сяммы пыӵам, лэся, вань пиосмы арганэн шудо. Семейной ансамбль кылдытон сярысь малпаськиськомы, фамилимыя ним но сётысалмы, жаляса верано, мужике луло ӧвӧл ни, кырӟасал ай.

Валентина Савельева

Удмурт Дунне
By Удмурт Дунне 26 мая, 2021 13:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<