Удмуртиын 13-тӥ майысен 1-тӥ июнёзь нюлэсъёсы пыраны лэземын ӧвӧл

Ангелина Снигирева
By Ангелина Снигирева 14 мая, 2021 12:24
Туспуктиз М. Егоров

Шаерамы чутрак пӧсь кариськиз, соин валче 13-тӥ майысен 1-тӥ июнёзь нюлэсъёсы пыраны лэземын ӧвӧл.
Алнаш, Вавож, Вотка, Глазов, Грак, Дэбес, Дэри, Камбарка, Каракулино, Кез, Кизнер, Красногорск, Можга, Сарапул, Сьӧлта, Эгра, Ува, Шаркан, Яган (Пичи Пурга ёрос) но Якшур-Бӧдья лесничествоос ялэ: нюлэскы пыраны уг яра машинаен но, пыдын ветлӥсьёслы но. Сикетӥ поръянлэсь возиськоно, ужрадъёс ортчытыны уг яра. Нимысьтыз куронъёсъя тодматскыны луоз Инкуазь узырлыкъёсъя но инкуазез утёнъя министерстволэн сайтысьтыз.

2021-тӥ арын шаерысьтымы нюлэсъёсын 40 пол тылпу гомаз, 41 гектар сик ӝуаз. Пусйыны кулэ, 30-тӥ апрельысен шаерамы ялэмын тылпулэсь утиськон вакыт.

Ӝуась интыосты синйылтӥды ке, ӝегатскытэк жингыртоно Инкуазь узырлыкъёсъя но инкуазез утёнъя министерстволэн диспетчерской службаяз 8 (3412) 27-13-60 яке 8-800-100-94-00 телефонъёсъя яке спасательёслы 01 яке сотовой телефонысь 101, 112 номеро телефонъёсъя. Законэз тӥясьёс кыл кутытон улэ кыскемын луозы.

Валентина Емельянова

Ангелина Снигирева
By Ангелина Снигирева 14 мая, 2021 12:24