Пужъятскыса сюлэм буйга

Удмурт Дунне
By Удмурт Дунне 12 мая, 2021 15:49

Кез ёросысь Сурӟи гуртысь Лидия Игнатьева пудо уг ворды. Соин ик уен-нуналэн пужъятӥськыса пуке. Бордаз эшъёсыз вань — телевизор но Василиса коӵыш.

Кез ёросысь Сурӟи гуртысь Лидия Игнатьева Туспуктӥз М. Егоров

— Э-э, ма, мон сярысь «звездаос» (ёрос газет) гожъязы вал ини, нош ик-а печатланы медӥськоды? — юанэн пумитаз милемыз Лидия Александровна. Быдэс улонзэ со гуртысь фермаын ужамын, али шутэтске ни. Бадӟым пу коркан огназ улэ.

— Азьвыл журнал выписать карылӥ, отысь пужыосты шедьтӥсько но пужъятӥсько. Вышивкалы дась наборъёс басьяса уг улӥськы, — вера песянай.

Корка кузя, вень-сӥньыс утчаса, Лидия Александровна уг ветлы. Диван вылаз огпалаз сӥньыс-качы кылле, мукет палаз бадӟым песьтэр пуке. Отчы тырылэмын гинэ ӧвӧл — тач-тач туйнамын дась киужъёсыз. Соос сомында! Огезлэсь пӧртэм мукетыз чебер.

— Удмурт Зязьгор бускель гуртысь клубын аӟытонын но пужъятэмъёсме возьматӥзы. Гуртоосы паймо, ой, ку лэсьтылэмын таос, шуо. Мыным керттӥськыны, вуриськыны уг яра. Пужъятӥськыны но крестикен гинэ яра. Пиналъёсы, вылды, киужъёсме куке-соку доразы кутозы ай. Ярам, кыдёкын уг уло — 3 нылпиосы ик Сурӟие выжы лэзизы.

Ольга Корепанова

Удмурт Дунне
By Удмурт Дунне 12 мая, 2021 15:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<