Автобус нӧдэ пуксиз

Удмурт Дунне
By Удмурт Дунне 28 мая, 2021 19:01

Арня кутсконын Балезино ёросысь Юнда школае нуись сюрес вылын автобус нӧдэ выйиз. Солы юрттӥськыны вуэм 2 тракторъёс но таш-таш дэрие пуксизы.

Автобус Чирогуртысь (Котегово) но Голёгуртысь (Ягошур) пиналъёсты школае вае вал. Зорыса улэмен, горд сюен суро сюрес небӟиз.

— Та нуналэ автобус 2 пол нӧдэ пуксиз. Школае ветлон сюрес вылын 1 иськем мында урод интыез вань. Автобуслы со сюресэз ортчыны колхоз трактор юрттӥз, — вераз Юнда школалэн директорезлэн воштӥсез Мария Касимова.

Та нуналэ автобус 9-тӥ классъёсын дышетскисьёсты Балезиное ӟуч кылъя экзаменэ нуыны кулэ вал. Ярам, ОГЭ гожтыны пиналъёс вуизы ик. Но кӧня сюлмаськизы нылпиос но, дышетӥсьёс но, мумы-бубыоссы но, уз-а ӝегалэ шуыса.

Удмуртиысь Транспортъя но сюрес хозяйствоя министерстволэн пресс-службаез ивортэмъя, матысь дыре та сюресэз выльдыны уг чаклало. Тупатъяно сюресъёслэн планазы сое пыртыны луоз 2023-тӥ арын гинэ.

Гуртоос ӝожтӥсько: югдур таӵе возиське берло 10 ар ӵоже. Зор дыръя гуртэ пырыны уг быгато «скорой» но, мукетъёсыз но машинаос.

Сюресэз эскерыны вуылӥзы «Удмуртавтодор», «Управтодор» предприятиосысь но ёрос администрациосысь специалистъёс.

— Сюрес кузя канава гудэмын луоз, ортчоз грейдер. Азьланяз татчы геоткань вӧлдозы, щебень но ПГС кисьтозы, — ивортӥзы Балезино ёрос администрациын ужасьёс.

Чаклам ужъёс вторнике ик мытэмын вал. Та дырлы сюреслэн огпалтӥз гинэ ветлыны луэ. Нош юрттоз-а сюресэз возьыны векчи из — возьматозы дыр но зор.

Шӧкыч уром

Удмурт Дунне
By Удмурт Дунне 28 мая, 2021 19:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<