Тыловайын ӝутске выль клуб!

Ангелина Снигирева
By Ангелина Снигирева 2 апреля, 2021 09:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дэбес ёросысь Тыловай черкогуртын лэсьтыны кутскизы выль клуб! Со ӝутӥське «Культура» нацпроектлы луыса. Калыклэн шумпотэмезлэн пумыз ӧвӧл.

Дэбес ёросысь Тыловайын выль клуб пуктыны кутскизы.
Туспуктӥз Нина Перевозчикова

Тыловайёс выль клуб кемалась куро вал. Уго юртэз вашкала ни: коръёс вискытӥ тӧл шула, вӧлдэтэз лэзиськемын, борддоръёс каллен-каллен музъеме пыро…

— Клубмылэн али юртэз 130 ар талэсь азьло, 1890-тӥ арын, пуктэмын вал ни бускель Ӟиллё гуртын, — вера Тыловай клублэн кивалтӥсез Нина Перевозчикова. — Тыловайысь школаын инты тырмымтэен, 1926-тӥ арын сое ми дӥне вайизы, отын дышетскизы пиналъёс. 1980-тӥ аръёсы сое культурной центр каризы. Берло аръёссэ татын ужаны кышкытгес вал ни. Ми трос бадӟым ужрадъёс ортчытъяськомы бере, клубамы калык ӧз тэрылы. Соин ик туж юн шумпотӥськом, дӥнямы выль клуб пуктыны кутскизы шуыса. Табере толалтэ но, гужем но туризмез азинтыны, дорамы калыкез ӧтчаны быгатомы ни.

Зэм, Тыловай клуб Дэбес ёросын огез адӟем карымонэз луэ. Татын интыяськемын ас пал адямизылэн, Удмуртиысь дано композиторлэн Г. Корепанов-Камскийлэн музеез, отчы пырыса, крезьгурчилэсь фортепианозэ, рукописьёссэ адӟыны луэ, татын тодмато тодмо адямиосынызы: Удмуртиысь калык артистъёсын Ю. Яковлевен, Н. Кардапольцевен, Ф. Будинаен, дано артисткаен В. Бекмановаен но мукетъёсыныз. 2019-тӥ арын клуб бордын шуккемын Г. Корепанов-Камскийлы сӥзем пул.

Вераны кулэ, клуб муниципал кылдытэтысь вань гуртъёсын улӥсьёсты — со ог 630 мурт — шулдыртэ: концертъёсы вуыло Улысьпочинкаысь, Урдымошурысь, Ягвукоысь, Шудӟалудысь адямиос. Татын 3 кужмо коллектив вань: Тыловайысь «Ошмес», «Завалинка» ансамбльёс, Улысьпочинкаысь — «Мылысь-кыдысь». Толалтэ Тыловае калык «ЛымыПог» фестивале лыктэ, гужемзэ — Г. Корепанов-Камскийлы сӥзем фестивале.

Али Тыловайын, вуж клублэн азбараз, техника журр! вазе — выль юрт пуктыны инты дасяло. Лэсьтӥськон шоры калык шумпотыса учке. Кызьы пусъе Удмуртиысь культурая министр Владимир Соловьев, лэсьтӥськонъёс туэ август пумозь йылпумъяськыны кулэ. Сӥзьыл, выль сезон усьтӥськыку, 100 адямилы чаклам одӥг этажъем ӵыж-выль клуб ӧсъёссэ вӧлъялоз.

Мария Векшина

Ангелина Снигирева
By Ангелина Снигирева 2 апреля, 2021 09:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<