Тодмо кариз удмурт сям

Ангелина Снигирева
By Ангелина Снигирева 9 апреля, 2021 15:42

Шаерамы Шаркан ёросысь Быгы гуртэз тодӥсьтэмез ӧвӧл. Гуртлэсь нимзэ вераку, син азе пуксе сиён-юонъёсын тыро ӝӧк выл. Угось татысь «Быг-быг» фестиваль ческыт сиськыны яратӥсьёсты, калык сиёнэз гажасьёсты люкалля.

Быгыос удмурт сям-йылолъёсты чаклало

Быгы кылдэмын кемалась-кемалась — 1588-тӥ аръёс котырын. 4 даурлэсь кема ини та гурт чеберске, арысь аре паськыта, выль коркаос ӝутӥсько, выль ульчаос кылдо.

Туннэ нуналлы гуртын 182 хозяйство, улӥсез ог 650 адями. Быгыез учкы ай, котькытын чебересь улон юртъёс, социальной объектъёс ӝужало. Ошмессы доры чеберъям бугро но бадӟым из пуктэмын. Та инты огшоры быръемын ӧвӧл, татчы корка пуктэм вылэм нырысетӥез гуртын улӥсь.

Гужем ульчаоссы чылк-чылк утялтэмын, юртъер котыръёсты шулдырто буй-буй пушйись сяськаос. Улон интызэс ӝикыт возён сярысь гуртоос сюлмасько ни вал кемаласен. Нош 2013-тӥ арын фин-угор дуннелэн лулчеберетъя шоркарез луэмзы бере утялсконлы эшшо но бадӟым саклык висъяны кутскизы. Уго ар ӵоже, тужгес но гужем, татчы пӧртэм интыосысь трос куноос но туристъёс кыстӥсько. Быгыос калыкез куноятыны быгато. Фин-угор сиён-юонлы сӥзем «Быг-быг» фестивале, Удмуртиысь сяна, Россилэн пӧртэм сэрегъёсысьтыз пӧраськисьёс, калык культураез гажасьёс кыстӥсько. 2014-тӥ арысен кутскыса, Быгыын куноязы ни Венгриысь, Эстониысь, Финляндиысь посолъёс.

Быгыос удмурт сям-йылолъёсын тодматӥзы дуннеысь выжы калыкъёслэн Нью-Йоркын ортчем форумазы, нош 2015-тӥ арын — Женеваын.

Быгыын улэ туж ужась калык. Ёросамы гинэ ӧвӧл, быдэс Удмуртимы понна адӟем карымон тырше «Восход» хозяйство.

Татын ваньмыз лэсьтӥське гуртоос сярысь сюлмаськыса. Тазалыксэ юнматыны, шутэтскыны калык ветлэ школаысь спортзалэ. Вожъяськыны луэ быгыослэн спортивной стадионзылы но, со 2 гектар быдӟа. Отын ваньмыз вань: бызьылон сюресъёс, шудон площадкаос, хоккеен шудон коробка.

2008-тӥ арын Быгые вуиз газ. Та дыр куспын чагыр эстӥськон пыртэмын ни 80 процентаз коркаосы. Берло аръёссэ 20-лэсь трос семьяос татчы улон корка пуктыны кутскизы, ӝыныез улон юртъерзэс йылаз-пумаз вуттӥзы ни. Со ик возьматэ, гуртоос татысь кошкыны уг малпало шуыса.

Надежда Максимова

Ангелина Снигирева
By Ангелина Снигирева 9 апреля, 2021 15:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<