Куронэз тӥялод — кыл кутод!

Ангелина Снигирева
By Ангелина Снигирева 30 апреля, 2021 15:51

31-тӥ маёзь шаерамы ялэмын тылпулэсь утиськон вакыт. Инкуазьын тылскыны, юртъер котырысь утялтӥськем жуг-жагез сутыны уг яра, шашлык пыжонлэсь гинэ но возиськоно луоз.

Та вакытэ тылпу кысӥсьёс калык пӧлын валэктон уж нуо. Юртъёс котырысь кӧс турын ӝуан учыръёс туннэ нуналлы 100 пала пусъемын ни. Берло шутэтскон нуналъёсы гинэ пожарнойёс ог 40 пол потазы ӝуась турынэз кысыны. Тужгес бадӟым тылпу вал Сарапул ёросын. 200 гектар муос вылысь ӝуась турынэз кысӥзы 50 спасательёс 9 техникаен.

Югдурез вылласянь беспилотникъёсын чакласа возё. Тылскем интыос шараясько ке, соку ик отчы инспекторъёс пото. Нимысьтыз режим дыръя тылпу кысӥсьёслэсь куронъёссэс лыдэ басьтымтэос понна штрафъёс чакламын. Туннэ нуналлы шаерысьтымы 90 пала адямиос, 3 кивалтӥсьёс но 1 огазеяськон кыл кутон улэ кыскемын ни.

Тылпу бадӟым изъян вае яке адями вӧсь луыны шеде ке, янгыш муртъёсты 8 арозь пытсэт сьӧры пуктыны быгато. Спасательёс тодамы вайыто, тылпу потон дыръя ӝегатскытэк жингыртоно 01 яке сотовой телефонысь 101 номеръя.

Тылпулэсь утиськонъя куронъёсты тӥям понна штрафъёс

Нимаз адямиослы — 2 сюрсысен 4 сюрс манетозь

Кивалтӥсьёслы — 15 сюрсысен 30 сюрс манетозь

Ужбергатӥсьёслы — 30 сюрсысен 40 сюрс манетозь

Огазеяськонъёслы — 200 сюрсысен 400 сюрс манетозь

Валентина Емельянова

Ангелина Снигирева
By Ангелина Снигирева 30 апреля, 2021 15:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<