3-тӥ апреле Бадӟым удмурт диктант гожтомы

Ангелина Снигирева
By Ангелина Снигирева 24 марта, 2021 13:53

3-тӥ апреле 13 часын Бадӟым удмурт диктант гожтон луоз. Туэ со 10-тӥ ползэ ортчоз ни. Текст сӥземын Гуртлэн арезлы, сое дасяз нылпи писатель, Россиысь Писательёслэн кенешсылэн ёзчиез Владимир Котков.

Фото: архив «Удмурт дунне»

Котькуд ар сямен текстэз огдыре лыдӟозы «Мынам Удмуртие» радио но «Удмуртия» телеканал, Интернет вотэс пыр меӵак эфирын. Озьы ик площадкаос усьтӥськозы элькунысь ёросъёсын но каръёсын, Россиысь мукет улосъёсын. Нациосын ужан политикая министерствоысь специалист Елизавета Ложкина ивортэмъя, очной амалэн гожтыны мылкыд карисьёс понна пичи площадкаос усьтӥськозы, короновирусэн сэрен соослы нимысьтыз куронъёслы лыдэ басьтоно луоз. Ас доразы площадкаос усьтон вылысь куриськонъёсты витё 30-тӥ мартозь diktant2021@mail.ru. адресъя.

— Азьвыл аръёсы сямен бадӟым площадкаос туэ усьтэмын уз луэ, нош кылем арын соос чик ӧй вал, — шуэ Елизавета Ложкина. — Ас доразы площадкаос усьтыны мылкыд карисьёслэн лыдзы нуналлы быдэ йылэ. Котькинлэсь вазь куриськонъёс вуизы Каракулиноысь, Воткаысь но Можгаысь библиотекаосын ужасьёслэсь. Москваын улӥсьёс 3 площадка усьтыны дась ни. Площадкаос усьтон понна диктантэз лыдӟись шедьтоно, соос азе нимысьтыз куронъёс пуктэмын. Нуналлы азьпал гинэ соослы текст келяськомы, чебер лыдӟыны мед быгатозы шуыса.

Кылем арын электрон почта пыр 700-лэсь трос диктантъёс эскерыны ыстэмын вал. Ужрадэз ортчытӥсьёс малпало, туэ но диктант гожтыны мылкыд карисьёс ичи уз луэ шуыса.

Валентина Емельянова

Ангелина Снигирева
By Ангелина Снигирева 24 марта, 2021 13:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<