Удмурт выжыосыз ас палазы кыскизы

Ангелина Снигирева
By Ангелина Снигирева 3 марта, 2021 09:53

Ижысь Роман Соловьёв К. Герд нимо гимназие вуиз 8-тӥ классын, шоркарлэн одӥг пумысьтыз мукет пумаз нуналлы быдэ ветлӥз — сокем кужмо вал удмурт кылэз дышетон мылкыдыз.

Роман Соловьёв

Анай-атаез выжыоссыя удмуртъёс ке но, куспазы ӟуч сямен вераськылӥзы. Озьы пизы но удмуртсэ тодытэк будӥз. Песянаезлэсь гинэ мукет кылын лабыртэмзэ кылыса, куд-ог дыръя ёртылӥз сое: дышеты монэ но озьы вераськыны. Нялтас вераса, песянаез Кизнер ёросын Гозношур гуртын (быремин ни) вордскемын. Со сьӧры Рома но удмурт кылъёсты одӥг-ог поттылыны кутскиз. Удмуртъёс, удмурт кыл сярысь нуналлы быдэ тросгес но тросгес тодӥз. Нош кытчы кутод вань тодэмдэ? Песянаеныз гинэ Ромалы ӧз тырмы ни, удмурт сямен вераськись огъёзъёссэ утчаны кутскиз. Сюрес вуттӥз удмурт гимназие. Отын 2 ар дышетскытозяз со удмурт кылын рос-прос вераськыны кутскиз. Дышетскон куспаз арганэн шудыны кутскиз на. Вавож ёросысь Партчи гуртын улӥсь агаезлэн арганэз вал угось, со доры куное вуылыкуз, Рома лумбыт солэн арганэз сьӧрын пукылӥз. Гимназиын ини рос-прос шудыны, удмурт гуръёсты быдэстыны дышетскиз. Кизэ эшшо но волятон вылысь гимназиысь «Выль крезьгур» ансамбле ветлӥз. Дышетӥсез Александр Катков крезьгур дуннеысь трос выльзэ усьтыны юрттӥз.

Гимназиез йылпумъяса, Рома пыриз Казаньысь кун университетысь физикая институтэ. Бырйиз радиофизика удысэз. Отын но арганэ асме сюдыны юрттэ: ваньмон вискам ураме потӥсько но сюлмысь шудӥсько. Калык уксёзэ куя, шуэ пияш.

Нош удмурт кыллэсь мӧзмонзэ веськатыны юрттэ Интернет. Удмурт эшъёсыныз нуналлы быдэ видео пыр кенеше. Соосын удмурт кылэз азинтӥсь проектъёссэ кылдытэ.

— Гимназиямы 8-тӥ классын дышетскись пияш Никита Моромов кылем сӥзьыл кылдытӥз ӟуч-удмурт бот-переводчик: гожтӥськод ӟуч кылын, нош программа сое удмуртэ берыктэ. Со сяна, Никита ик усьтӥз удмурт кыллэн грамматикаезлы сӥзем сайтсэ, нош социальной сетьёсын — группаоссэ. Мон но та мыло-кыдо пияш борды итӥськоно кариськи. Сайтаз пуктылэм правилоосъя наклейкаос поттыны кутски. Басьтом тани удмурт послелогъёсты: котькуд наклейкаын послелогъёс удмурт кылын гожтэмын, отчы гондырпи суредамын. Одӥгаз со коробка пушкын, мукетаз — вылаз, куинетӥяз — сьӧраз, ньылетӥяз — улаз. Озьы удмурт кылэз дышетӥсь мурт послелогъёсты ӟечгес валалоз. Наклейкаосты лякыны луэ котькытчы: борддоре но, книга, парта вылэ но. Удмурт кылъя дышетӥсьёслы но лякыт луоз соосты кутыны, нылпиослы сётъяны но темаез ӟечгес валэктыны. Таӵе наклейкаосты мукет правилоосъя но лэсьтыны малпасько.

Елена Тугашова

Ангелина Снигирева
By Ангелина Снигирева 3 марта, 2021 09:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<