Удмуртиысь калык люкаськон интыосты адямиослэсь мылкыдзэс юаса тупатъяло

Удмурт Дунне
By Удмурт Дунне 27 марта, 2021 13:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Фото: https://vk.com/udmurt.center

Калыклэсь мылкыдъёссэс люкан бордын тырше Интыосты азинтонъя центр. Центр пусъемъя, адямиослэн огкадьгес малпанъёссы: пыдын ветлон сюресъёсты тупатон, ульчаосты югдытон, нылпиослы шутэтскон интыос кылдытон.

Выльдоно объектъёсты быръён ужрад мытэмын «Жильё и городская среда» нацпроектлэн «Формирование комфортной городской среды» проектэз улсын.

Кылем арын Кезын «Юбилейный» парк кылдӥз. Сое лэсьтыку ик калык та интые люкаськылыны кутскиз, вуылӥзы каргуртысь сяна, мукет гуртъёсын улӥсьёс но. Парк быдэстэмын ке но, сое тырмытон, выльдон понна ужъёс татын азинскозы на.

Туэ та проект улсын воштӥськонъёс ортчозы Ува ёросысь Каркалай гуртын, Дэбесын, Эгралась Нефтянникъёслэн микрорайоназы, Кияса черкогуртын. Та интыосты азинтонъя кылдытэмын нимысьтыз схема, калыклэсь шутэтскон, спортэн вырон интыос сярысь мылкыдзэ юаса.

2022-тӥ арын выльдӥськон интыосты быръён понна али ки сюлмаськыны кулэ ни. Со понна 26—тӥ апрельысен 30-тӥ маёзь https://18.gorodsreda.ru/ сайтын котькуд мылкыд карись аслэсьтыз малпанзэ вераны быгатоз. Куара сётонэ пыриськыны быгато Ижевск, Воткинск, Сарапул, Глазов, Можга городъёс, Эгра но Ува ёросъёс.

Сергей Захаров

Удмурт Дунне
By Удмурт Дунне 27 марта, 2021 13:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<