Туннэ, 17-тӥ мартэ, уйин Ижкарысь Машиностроительёслэн городоказы 2 этажъем юртлэн липетэз куашказ

Ангелина Снигирева
By Ангелина Снигирева 17 марта, 2021 09:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Фото: vk.com (Олег Бекмеметьев)

Липет ланьырскиз

Уйин пыс-пыс кӧлонэз ӧз тодэ Ижысь Машиностроительёслэн посёлокысьтызы 84-тӥ юртын улӥсьёс.

— 2 этажъем коркалэн липетэз куашказ.Нокин вӧсь ӧз луы. Вань улӥсьёс — соос 46 мурт — артысь школае интыямын вал. Бӧрысь тросэз ӵыжы-выжыоссы доры кошкизы. 2 нунал куспын эскеромы липетэз. Сое тупатъяны муниципал бюджетысь коньдон висъялом, — ивортӥз Ижевсклэн йырыз Олег Бекмеметьев.

Удмуртиысь МЧС-лэн пресс-службаез шонертӥз: липет куашкамын шуыны уг луы, со ланьыраз. Угось спасательёс номыре ӧз утялтэ, ӧз сэрттэ.

Тодмо: 2 этажъем юрт пуктэмын 1961-тӥ арын, татын 2 подъезд, 4 квартира. Коркан туж трос коммунальной лыдъяськись висъетъёс. Кема аръёс ӵоже та юрт «Ижмаш» заводлэн общежитиез вал. Берло аръёсы сое возён понна кыл кутӥз «СпДУ» муниципал предприятилэн 9-тӥ участокез. Табере сое эскероз Удмуртиысь Прокуратура.

— Тодомы, кин кыл кутӥз та юртэз возён понна. Чаклалом, быдэсъяськизы-а чаклам куронъёс, — ивортӥз Удмуртиысь прокурорлэн юрттӥсез Олеся Федчишина.

Машиностроительёслэн посёлокысьтызы 84-тӥ юртын улӥсьёс верамъя, липет йылын ог 20 сантиметр зӧкта йӧ кынмемын вал. Оло ӵапак соос «юрттӥзы» липетлы ланьыраны.

Ӵукна полиция чаклам улсын та коркан улӥсьёс быгатӥзы пырыны асьсэ комнатаосазы дуно арбериоссэс но документъёссэс басьтон вылысь.

Елена Скворцова

Ангелина Снигирева
By Ангелина Снигирева 17 марта, 2021 09:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<