Медальёс сьӧрло кошкизы

Ангелина Снигирева
By Ангелина Снигирева 11 марта, 2021 13:31

Кылем арня шорын Воткинск городын ортчиз пожарно-спасательной спортъя Россиысь МЧС-лэн кубокез понна нюръяськон. Шаерамы вуылӥзы 13 улосысь 350 пала спортсменъёс.

Фото: udmurt.ru

Нырысь нуналаз спорт­сменъёс 32 метръем учебной башняе ӝог тубаны быгатэмзэс возьматӥзы. Вормисе потӥзы Москваысь Владимир Сидоренко, Москва улосысь Артём Малинин но Ханты-Мансийскысь Александр Катаев. Тылпу кысон удысын ужась спортсменъёсты вормонэнызы ӟечкылазы Удмуртилэн Тӧроез Александр Бречалов, дано спортсменкамы Галина Кулакова но Россиысь МЧС-лэн Валтӥсь управлениысьтыз генерал-майор Валентин Нелюбин.

Мукет нуналаз спорт­сменъёс ортчизы шуг-секытъёсын 100 метр сюресэз (полоса препятствий). Ӝутэм брус вылтӥ бызизы киосазы 2 рукавъёсын (котькудӥз 5 килограмм), бӧрысь соосты 
итӥзы створ борды. Таяз ӵошатсконын но куноос шаплыесьгес вал. Бадӟымъёс бере быгатонлыкъёссэс эскеризы 15-18 аресъем пиналъёс но.

Тылпу кысӥсьёслэн Воткаысь комплекссы туала 
куронъёсъя лэсьтэмын, бад­ӟым ӵошатсконъёс татын 
нырысьсэ ортчизы. Бад­ӟымъёс пӧлын вормисьёс луизы Санкт-Петербургысь, Ханты-Мансийскысь но Челябинскысь командаос, егитъёс пӧлын кужмогес вал Ханты-Мансийскысь, Челябинск но Свердловск улосъёсысь командаос.

Валентина ЕМЕЛЬЯНОВА

Ангелина Снигирева
By Ангелина Снигирева 11 марта, 2021 13:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<