Законъя ужано

Ангелина Снигирева
By Ангелина Снигирева 16 марта, 2021 09:52
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Журналистъёсын пумиськылӥз Ужъя кун инспекцилэн кивалтӥсез Светлана Шекунова. Шуиз: ужасьёслэсь правооссэс тӥян учыръёс уг кулэсмо.

С. Шекунова
Туспуктӥз А. Миронов

Кин янгыш?

Кылем арын кун инспекция предприятиосы но организациосы 675 пол эскеронъёсын потаз. Жаляса верано, шараямын законэз 
тӥян 1 сюрс 918 учыръёс. Таин валче 401 уж сётӥсьлы предписаниос гожтэмын, 1 сюрс 71-ез административной кыл кутон улэ кыскемын. Одӥгъёсыз уж сётӥсьёс дыраз уждун уг тыро, мукетъёсыз ужаны тыро-пыдо условиос уг кылдыто, уже куто, стажировка радъятэк, инструктаж ортчытытэк но мукет.

— Эскеронъёс ортчытэм бере 8 сюрс 992 ужасьёслэн правооссы утемын, — пусйиз Светлана Геннадьевна. — Нош кивалтӥсьёслы 27,5 миллион манетлэсь ятыр тыриськонъёс тупатэмын.

Уж дурын шудтэм учыръёс сюлмаськыто. Берло 5 арзэ соослэн лыдзы пичиен кулэсмыны кутскиз ни вал. Но 2020-тӥ арын нош ик йылӥз — 104 учыръя эскеронъёс ортчытэмын. 47 мурт уж дураз бырыны шедиз, 53-ез секыт сӧсырмиз. Шудтэм учыръёс понна ӵемысь янгыш луо уж сётӥсьёс: ужан интыосты, ужасьёссэс уг чаклало, нимысьтыз дӥсь уг сёто, кудӟемъёсты уже лэзё но мукет. Ужын бырыны-сӧсырмыны шедемъёс пӧлысь котькуд 5-тӥез гурт удысын, сомындаез ик лэсьтӥськон удысын ужало вал.

— Жаляса верано, уж сётӥсьёслэн асьсэдыз янгыш каремзы уг поты, шуге-леке вуэмъёсты янгыше кельтон вылысь пӧртэм мугъёс утчало, — шуиз С. Шекунова. — Но Ужъя кун инспекция ваньзэ лэсьтэ, мыдлань ужасьёс кыл кутон улэ кыскемын мед луозы, шуге-леке вуэмъёслы, семьяоссылы юрттэт мед луоз шуыса. Куддыр судэ но вазиськоно луэ. Озьы кылем арын шудтэм учыръёсы шедемъёслы 12 миллион 986 сюрс манет тыремын вал. Туж оскиськом, таӵе учыръёс туэ ӧжытгес кылёзы шуыса.

Пичиез уждун но дорын тыршон

Кылем ар пумозь уж сётонэн, ужасьёслэсь правооссэс утёнэн герӟаськем 179 куронъёс юнматэмын вал. Табере соос воштэмын выльёсыныз 38 правилоосын.

С. Шекунова верамъя, та куронъёсты быдэсъямтэзы понна уж сётӥсьёсты али ик кыл кутон улэ кыскыны быгатозы ни — ужзэс соос ӝегатскытэк выль куронъёсъя радъяны кулэ. Кылсярысь, уж сётӥсьлы табере аслыз чаклано, кыӵе нимысьтыз дӥсь сётоно ужасьёсызлы, кыӵе кышкытлыкъёс кылдыны быгатозы уж дураз но трос мукетсэ — ваньзэ тае документъёсын юнматоно. Нош документъёс луыны кулэ электрон амалэн.

Мукет воштӥськон: 2021-тӥ арын 1-тӥ январьысен Россиын пичи уждун 12 сюрс 792 манет луиз. Шаерамы, Урал коэффициентэз лыдэ басьтыса, со 14 сюрс 800 манет 80 копейкаозь будӥз.

— Коронавируслэн алямез ужез радъянэ озьы ик воштӥськонъёс пыртӥз, — пусйиз инспекцилэн кивалтӥсез. — Россилэн Ужъя кодексаз выль валан кылдӥз: палэнысен ужан. Озьы табере ужаны луэ дорысен но, ужан интые ветлыса но, кудӥз кутӥськоз — та пусъемын луыны кулэ уж сётӥсь но ужась куспын гожтэм огкылын. Пандемия дыръя кылдӥзы куд-ог юанъёс, кылсярысь: кӧня дыр ӵоже ужась уж сётӥсьлэн «ки улысьтыз» ышылыны кулэ ӧвӧл? Али та дырез озьы ик юнматыны луэ огкылэн. Но законын шуэмын: ужась 2 нунал ышыса улэ ке, сое ужысь мозмытыны луэ ни.

Элина Кумачёва

Ангелина Снигирева
By Ангелина Снигирева 16 марта, 2021 09:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<