Алангасаръёслэн пытьыоссы

Ангелина Снигирева
By Ангелина Снигирева 23 марта, 2021 09:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Чебер выло, уно туспуктэмъёсын выль бадӟым книга потӥз «Удмуртия» издательствоын. «Удмурты. На земле древних алангасаров = Удмуртъёс. Вашкала алангасаръёслэн музъем вылазы» издание (12+) удмурт но ӟуч кылын гожтэмын, аннотациез англи кылэ берыктэмын.

Ма сярысь та книга? Пуштроссэ усьтозы куд-ог люкетъёсыз гинэ но: «Вашкала дауръёсысь туннэ нуналозь», «Удмуртъёс сямзыя но вылтуссыя», «Лыдпусъёс но букваос», «Калык шулдыръяськонъёс», «Туала удмурт батыръёс», «Писпу кужмо выжыосыныз, адями — эшъёсыныз»… Та уж быдэсак сӥземын удмурт калыклы, историын солэн интыезлы, туннэ нуналэзлы, дано нылъёсызлы но пиосызлы.

Люказ-радъяз книгаез Георгий Грязев — Удмурт Элькунысь дано журналист, «Удмуртия» издательствоысь валтӥсь редактор, дизайнерез — Валентин Семёнов. Туж бадӟым юрттэт сётӥз Омель Ладилэн (Владимир Владыкинлэн) «Ми — удмуртъёс. Ӟечесь-а? = Мы — удмурты. Здравствуйте!» книгаез. Озьы ик вератэк уг луы фотографъёс сярысь но. Валамон ини, умой, ӟеч, кие кутымон книгаез туннэ чебересь туспуктэмъёстэк лэсьтыны туж шуг. Туж ӟеч ужъёсынызы юрттӥзы элькунысьтымы но солэн палэнысьтыз 25 фотографъёс.

Книга поттэмын Россиысь Печатья но ивор вӧлмытонъя агентстволэн юрттэменыз.

Георгий ТУЙМАТОВ

Ангелина Снигирева
By Ангелина Снигирева 23 марта, 2021 09:16 Updated