Грант утӥз удмурт проект

Related Articles

• Сириын пуштылонъёс, Россиын дунтэк эмъяськон, Удмуртиын сакгес кариськон 0 17.Апр
• Степан Корепанов-Камский луиз министр 0 10.Мар
• Мариос Владимир Путинлы вазиськизы 0 17.Янв

Президентлэн грантъёсъя фондэз туэ юрттэт висъялоз Удмуртиысь 50 пала проектъёслы. Пӧлысьтызы одӥгез — улосысьтымы Телерадиовещательёслэн огазеяськонзылэн но «Мынам Удмуртие» телерадиокомпанилэн «Вуоно иворчи» проектсы.

Сое улонэ пыӵатыны висъяськоз ог 500 сюрс манет.

— Зэмзэ вераса, вуоно журналистъёсты дасянъя «Вуоно иворчи» школамы радъяське ни 2018-тӥ арысен, — шуэ проектлэн одӥгез авторез, «Мынам Удмуртие» телерадиокомпаниысь журналист Вероника Ваулина. — Утэм грант улсын табере бадӟымгес саклык висъялом удмурт пиналъёслы. «Вуоно иворчи» школаямы туэ мартысен дунтэк дышетскыны быгатозы 8-тӥ-11-тӥ классъёсысь удмурт нылъёс но пиос. Соос тодон-валан люкалозы телерадиокомпаниямы, ми, журналистъёс, соослэн гуртъёсазы вуыломы, сюжетъёс лэсьтыломы.

Озьы та школа улсын дасяломы удмурт кадръёсты — вуоно журналистъёсты гинэ ӧвӧл, удмурт кылын вераськись видео-монтажёръёсты, видео-операторъёсты, звуко-режиссёръёсты.

УД