Шутэтсконлэн бервылъёсыз

Ангелина Снигирева
By Ангелина Снигирева 15 января, 2021 10:58
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Выль ар уе шаерысьтымы 22 сюрс пала адямиос ульчаетӥ поръязы, со пӧлысь ог 5 сюрсэз — Ижын улӥсьёс. Та уе но Выль ар шулдыръяськон нуналъёсы шаерамы шуэрес учыръёс пусъемын ӧй вал.

143 йыруж, 39 шуккиськон

Югдурез утёнъя министрлэн воштӥсез Олег Мальцев ивортэмъя, шутэтскон нуналъёс ӵоже 143 йыруж лэсьтэмын, со пӧлысь 32-ез — секыт йыруж, 11 шулдыръяськонъёс адями быронэн йылпумъяськизы. Пӧяськисьёслэн ки улазы 30 мурт шедиз, банковской картаосысьтызы 3 миллион манет пала уксёзэс ыштӥзы. Полицие вазиськизы Ижевск, Глазов, Сарапул но Вотка городъёсын, Дэри, Ува но Пичи Пурга ёросъёсын улӥсьёс. Выль ар вылтӥ югдурез утисьёс пӧсь пытьыосъя 51 йыружез сэрттӥзы.

Сюресъёс вылын 39 шуккиськон учыр пусъемын, 94 муртлы, со пӧлысь 17-ез — пиналъёс, нырысетӥ юрттэт сётэмын. 8 мурт, пӧлазы 3 нылпиос, фейерверклэсь вӧсь луыны шедиз. 19 мурт юыса шугомиз. 10 мурт ульчаын ӟонгыраз, та дыре 9-эз больницаын эмъяське на.

46 тылпу

46 тылпуосын 1 мурт быриз, 3-ез сӧсырмиз, 4 муртэ утизы. Россиысь МЧС-лэн Удмурт Республикая Валтӥсь управлениезлэн кивалтӥсез Пётр Фомин ивортэмъя, 30 процентэз тылпуос потӥзы гуртъёсысь но сад-бакчаосысь юртъёсын, одӥгаз но извещательёс пуктэмын ӧй вал.

Шаерысьтымы спасательёс 74 пол потазы сюресъёс вылын шуккиськон учыръёсы. 8 мурт кулонлэсь утемын, 43 муртлы нырысетӥ юрттэт сётэмын. Шуръёс вылын шудтэм учыръёс пусъемын ӧвӧл ке но, Кам шурын чорыгасьёслэн снегоходзы вуэ выйылӥз. Спасательёслы луыса снегоход поттэмын вал.

Азьпалан Йӧвылэсултон. Муниципал кылдытэтъёслэн кивалтӥсьёссылы но югдурез утён удысын ужасьёслы сак кариськоно, азьлапал ик дасяськоно, угось та нуналэ вуэ пыраны мылкыд карисьёс понна 70-лэсь трос люкмесъёс дасямын луозы.

Валентина Емельянова

Ангелина Снигирева
By Ангелина Снигирева 15 января, 2021 10:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<