Туэ 1-тӥ январьысен анай капитал 3,7 процентлы будӥз

Ангелина Снигирева
By Ангелина Снигирева 14 января, 2021 14:09

2020-тӥ арын нырысетӥ пинал понна висъяны ӧдъязы анай капитал, со 466 сюрс 617 манет вал. Пенсиосъя фонд ивортэмъя, туэ со 483 сюрс 882 манетозь йылӥз.

Фото: Максим Егоров

Озьы ик будӥз 2-тӥ но со бӧрсьы вордскем нылпиос понна висъяськись капиталлэн быдӟалаез: 616 сюрс манетысен 639 сюрс 432 манетозь вуиз. Семья 1-тӥ пиналэз понна анай капиталзэ кутӥз ни ке, 2-тӥез вордскем бере 150 сюрс 550 манет сётӥськоз. Со сяна, семья анай капиталлэсь оглюкетсэ кутӥз ни ке, кылем люкетэз но 3,7 процентлы будэтэмын луоз.

Анай капиталэз басьтыны табере капчиенгес луэ: Пенсиосъя фондын 5-10 нунал ӵоже документъёсты эскерозы но решение кутозы. Сертификатлы вазиськыны луэ кун услугаосъя портал пыр gosuslugi.ru яке Пенсиосъя фондлэн pfrf.ru сайтэз пыр нимысьтыз кабинетын.

2-тӥ пинал вордӥськем бере анай капиталысь уксёез семья толэзьлы быдэ выплатаез сямен кутыны быгатэ. Сыӵе дыръя семьяысь котькуд адямилэн ар ӵоже доходэз улыны тупатэм минимумлэсь 2 поллы бадӟым луыны кулэ ӧвӧл. Шаерамы солэн быдӟалаез 21 сюрс 990 манетлэсь медаз ортчы. Санэ басьтӥське уждун, премиос, пенсиос, пособиос, алиментъёс но мукет доходъёс. Туэ выплаталы вазиськемъёслы толэзьлы быдэ вуоз 10 сюрс 518 манет, нош кылем арын выплаталы вазиськемъёслы тыриськоз 9 сюрс 964 манет. Выплатаез басьтыны луэ нылпи вордӥськем бере ик. Со тыриськоз, нылпилы 3 арес тырмытозь. Выплатаез озьы ик басьтыны быгато мурт пиналэз усыновить каремъёс.

Анай капиталъя программа кутэмын 2026-тӥ ар пумозь. Отчыозь нылпи ваем семьяос кунлэсь юрттэт басьтыны быгато. Капиталэз быдэсак кутыны луэ юрт басьтыны я пуктыны, ипотекалэсь оглюкетсэ пытсаны, дышетскыны яке анайлэсь пенсизэ будэтыны.

 Елена САРАМАТОВА

Ангелина Снигирева
By Ангелина Снигирева 14 января, 2021 14:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<