Пандемия уг люкеты!

Ангелина Снигирева
By Ангелина Снигирева 14 января, 2021 12:13

13-тӥ толшоре (январе) Россиын пусйиське Прессалэн нуналыз.

Йӧскалык прессалэн юртаз ужасьёсты но шаерысьтымы вань иворчиосты сяна, ӟечкыласько та нуналэн «Удмурт дунне» газетлэсь юрттӥсьёссэ но: авторъёсмес но газетмес вӧлмытӥсьёсты! Ми котьку данъяськыса вераськом: милям мында эшъёсыз одӥг газетлэн но ӧвӧл. Котькытчы пот — адямиос, вань сюлэмзэс усьтыса, улэм-вылэмзэс мадё, перепечен-табанен утялтыса лэзё. Уката шумпотӥськом, лыдӟисьёсмы асьсэос но газетэ гожъяло ке — ас мылкыдзыя, гонорар курытэк, данъямез возьматэк. Тӥляд иворъёсты газетэз тунсыкогес каро, шаерамы улӥсьёсты пӧртэм ёросъёсысь иворъёсын тодмато — пандемия вакытэ солы уката бадӟым кулэяськон вал, угось миым гуртъёсы ӵем потаны ӧм быгатэ. Трос гожъясьёсмы пӧлысь туннэ нимысьтыз тау кареммы потэ Алнаш ёросысь Людмила Сурчаковалы, Любовь Ганьковалы но Раиса Корепановалы, Пичи Пурга ёросысь Маргарита Тулбаевалы, Кияса ёросысь Геннадий Парфёновлы но Марина Моряковалы, Можга ёросысь Надежда Ивановалы но Зоя Андреевалы, Ува ёросысь Зоя Чирковалы, Дэри ёросысь Николай Трубачевлы, Галина Захаровалы, Эгра ёросысь Надежда Даниловалы, Дэбес ёросысь Руфима Ложкиналы, Кез ёросысь Дина Бывальцевалы, Шаркан ёросысь Надежда Максимовалы но Ираида Весёлыхлы, Ижысь Татьяна Акиловалы.

Малпаськом, дыр вуиз авторъёсынымы нош ик кенешыны, соин ик ваньдэс возьмаськом 4-тӥ тулыспалэ (феврале) ас дорамы. Вылаз ик, туэ туж бадӟым муг вань – та нуналэ элькунамы нырысьсэ пусйиське Йӧскалык печатьлэн нуналэз!

Зинаида РЯБИНИНА, валтӥсь редактор

Ангелина Снигирева
By Ангелина Снигирева 14 января, 2021 12:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<