Оскымон «часовой»

Ангелина Снигирева
By Ангелина Снигирева 18 января, 2021 17:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Райцентрысьтымы нылпиос туж тупаса уло. Трос квартираем коркан улӥсь пиналъёс 1 семьяысь тэшкылиос сямен юр-яр поттыса ульчаын шудо.

Огаз шутэтскон нуналэ куазь шуныт кариськиз, лымы — кот. Эх, удалтӥз покчиослы! Нырысь ог-огзэс лэзяса шудӥзы. Собере 2 командалы люкиськыса, «ожмаськыны» малпазы: окопъёс, «командной пункт» лэсьтӥзы, со вӧзы лымы колӟолэсь «часовой» пуктӥзы. Ожмаськон бусызы азбаре гинэ ӧз тэры, тротуар вылэ но крепостьёс лэсьтыны ӧдъязы.

Но нюръяськыны ӧз вуттэ. Доразы джип дугдӥз. Водитель, машинаысь укнозэ усьтыса, нылпиос шоры кесяськиз: солэн уго табере автомобильзэ тротуар вылэ пуктэмез уг луы, лымы люкъёс уг сёто.

Куалектэм пиналъёс кышкаса доразы пегӟизы. Нош джип кузё, машинаысьтыз потыса, йырыз курен лымылэсь «часовоез» ӵыжиз. Таиз усьыны ӧз сётӥськы. Эх, зол лэсьтӥллям нылпиос! Йӧнтэм водитель, джипаз пуксиз но машиназэ «часовой» шоры мертаз. Йӧнтэм лымыпог озьы ик чорк-чорк сылэ. Нош джип буксовать карыны ӧдъяз. Воргорон машинаысьтыз потӥз но часовой доры вамыштӥз. Синъёсыз кымесаз тубизы: бамперез нелькиськемын, капотлэн «нырыз» паньгамын, радиаторысьтыз охлаждающей жидкостез бызе.

«Часовойзы» юн мед сылоз шуыса, нылпиос сое корт юбо котыре колӟояллям. Та юбо ӵапак тротуар вылэ юнматэмын — джипсэс пыдын ветлон сюрес вылэ пуктӥсь водительёсты алыса. Вот, зол юрттӥз «часовой»!

Алексей Трубачев

Ангелина Снигирева
By Ангелина Снигирева 18 января, 2021 17:25 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<