Кун думаысь депутатъёс Удмуртиысь журналистъёсын пумиськылӥзы

Ангелина Снигирева
By Ангелина Снигирева 13 января, 2021 15:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Думалэн депутатъёсыз Андрей Исаев, Александр Василенко, Алексей Загребин, Валерий Бузилов «Огъя Россия» партилэн улосвыл приёмнояз Удмуртиысь журналистъёсын пумиськылӥзы, кылем арлы йылпумъянъёс лэсьтӥзы, таизлы пуктэм ужпумъёсын тодматӥзы.

Фото: А. Снигирёва

Вераськонзэс кутскиз кылем ар понна тужгес сюлмаськытӥсь — коронавирусэн нюръяськон бордысен. А. Исаев тау кариз та секыт вакытэ врачъёслэсь ужзэс капчиятыны юрттӥсь адямиослы. Шаерамы 690 волонтёръёс ас мылкыдзыя больницаосын тыршо, висисьёс доры эмъюмъёс, врачъёсты вутто. Озьы та вакытлы соос юрттӥзы ни 5 сюрслэсь трос муртлы.

— Кылем ар нокин понна капчиен ӧз сётӥськы. Озьы ке но кылем ар трос выль ужпумъёс, выль законъёс кылдытон борды кутскыны вырӟытӥсь амал луиз, — шуиз А. Исаев.

2020-тӥ арын трос коньдон висъямын вал выль эмъяськон тӥрлык басьтон, висисьёсты эмъян, через алыны ужрадъёс ортчытъян понна, ковидэн нюръяськись врачъёслы выплатаос сётъясько, коньдон юрттэт басьтӥзы нылпиосын семьяос, дышетӥсьёс классной руководство понна уксё басьтыны кутскизы, покчи классъёсын дышетскисьёсты дунтэк сюдыны ӧдъязы но трос мукетыз. Та сяна, ӵапак пандемия инъет луиз дистанционно амалэн ужан сярысь законэз кутонлы. Пандемия кутскон вакытлы доразы ужасьёс 60 сюрс котыр вал ке, та вакытэ лыдзы 6 миллионозь будэмын. Кылем арын воштонъёс пыртэмын вал Россилэн Конституцияз, валтӥсь документэз туала куронъёслы тупамон каронъя ужъёс али но азинтӥсько на.

— Паласькись висёнэн нюръяськон со туннэ нуналлэн сюлмаськонэз, оскисько, таӵе югдур ӝоген ортчоз, — шуиз А. Исаев. — Но вань нуналмысь сюлмаськытӥсь юанъёс. Россилэн Президентэз азямы валтӥсь ужпум пуктӥз — начар улӥсьёслэсь лыдзэс кулэстон. Со котырын ик ужмес радъялом. Али Россиын 10 начар улӥсь улосъёслы юрттонъя нимысьтыз программа ужа. Та переченез 20 улосозь будэтон сярысь уж нуиськом, отчы Удмуртиез но пыртыны луысал, озьы шаерамы юрттэт нимаз кыскыны быгатысалмы на.

Озьы ик пумиськон дыръя депутатъёс пусйизы, мар борды эшшо ужаны чаклало туэ.

Сюлмаськон кылдэмын ужтэк кылемъёс пумысен. Соослы уж шедьтыны капчиятон понна ужрадъёс кутӥсько. Али ас вылаз ужась адями самозанятой кариськыны быгатэ, но тазьы ужан сярысь налоговой кодексын гинэ гожтэмын ай. Самозанятойёслэсь правооссэс, юрттэт басьтыны луонлыкъёссэс нимаз законэн юнматыны кулэ. Та сяна, али уж мынэ коронавирусэн висем муртъёслэсь тазалыксэс юнматыны юрттӥсь программа кылдытон бордын. Кенешемын вал национальной проектъёсты азинтон сярысь но, депутатъёс мылкыдзэс веразы улосъёсын туризмез азинтонъя нимысьтыз нацпроект кулэ шуыса.

Ангелина Снигирёва

Ангелина Снигирева
By Ангелина Снигирева 13 января, 2021 15:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<