Йӧнатэ-а люкмес?

Ангелина Снигирева
By Ангелина Снигирева 22 января, 2021 10:12

Таяз арняе йылпумъяськыны валазы кадь тол шулдыръяськонъёс!

19-тӥ толшоре Инмарлы оскисьёс пусъё Крещениез, асьмеос сое Йӧвылэсултон шуиськом. Но берло аръёссэ, соцвотэсъёсты чакласькод ке, сое тросгес пусъё селфи лэсьтыны яратӥсьёс: йӧ вуэ зымылэмен кызьы уд паймыты? Бен котькудӥзлэн аслаз ужез но… тазалыкез. Но ковид, пыэд алян вакытэ сыӵе дауртон монэ паймытэ ик. Зэм, туэ пыласькон люкмесъёс ӧжытгес вал, кивалтӥсьёс но, эмчиос но алыны выризы кынманлэсь. Но асьме калык ку кылзӥськиз ни? Нош висьыны усемъёс соку ик врач доры ӧз шеде ке, мар отын кутскоз: «скороез» часъёсын возьмано, дунтэк эмъюм ваньмызлы уг сёто, 2 арня дорын пукето, нош мон ужбергатӥсь — уже сылэ но мукет… Мар веранэз ини вакцина сярысь. Сое йӧскадь пуктылыны ӧз кутске на, нош калык кушетске ни — адямиосты быдтыны туртто!

Мукетыз ӵаш поттэ, черкын туэ 19-тӥ толшоре дунтэк вӧсям ву ӧз сётъялэ шуыса. Черкын ужасьёс валэкто: туэ, кышкыт висёнэз лыдэ басьтыса, одӥг посудаысь ву кутыны уг лэзьы Роспотребнадзор. Вылаз ик, асьсэос баӵкоос верамъя, черкысь но магазинысь чылкыт ву номырин уг висъяськы, ужпум оскон бордын гинэ. Нош осконо ке, та нуналэ ву котькытын святой луэ.

Нялтас йӧ вуын пыласькон сярысь но вератэк ӧвӧл. Тодӥськоды, луоз, кытысь потӥз православной оскон но кыӵе отын куазь, кӧня градус ву Иорданын, нош кӧня — Иж тыметын…

Инмарез валасьёсты но зэмос оскисьёсты гажасько, соос чылкыт сюлэмо адямиос, но соос селфиен дан уг потто.

Зинаида РЯБИНИНА, валтӥсь редактор

Ангелина Снигирева
By Ангелина Снигирева 22 января, 2021 10:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<